Unang Cronicas 24:1-31
24 Karon ang mga dibisyon sa mga kaliwat ni Aaron mao kini: Ang mga anak ni Aaron mao si Nadab, Abihu,+ Eleasar, ug Itamar.+
2 Apan si Nadab ug Abihu unang namatay kay sa ilang amahan,+ ug sila walay anak nga lalaki; apan si Eleasar+ ug Itamar nagpadayon sa pag-alagad ingong saserdote.
3 Si David, kauban si Zadok+ nga gikan sa mga anak ni Eleasar ug si Ahimelek nga gikan sa mga anak ni Itamar, nagbahinbahin kanila sumala sa ilang katungdanan sa pag-alagad.
4 Kay ang mga anak nga lalaki ni Eleasar mas daghag pangulo kay sa mga anak nga lalaki ni Itamar, ingon niini ang pagkabahin kanila: Ang mga anak nga lalaki ni Eleasar may 16 ka pangulo sa ilang mga banay,* ug ang mga anak nga lalaki ni Itamar may 8 ka pangulo sa ilang mga banay.*
5 Dugang pa, ilang gibahinbahin sila pinaagig ripa,*+ ang usa ka grupo kauban ang laing grupo, kay dihay mga pangulo sa balaang dapit ug mga pangulo sa matuod nga Diyos gikan sa mga anak nga lalaki ni Eleasar ug sa mga anak nga lalaki ni Itamar.
6 Unya gisulat ni Semaias nga anak ni Netanel nga sekretaryo sa mga Levihanon ang ilang mga ngalan atubangan sa hari, sa mga prinsipe, ni Zadok+ nga saserdote, ni Ahimelek+ nga anak ni Abiatar,+ ug sa mga pangulo sa mga banay* sa mga saserdote ug sa mga Levihanon. Gipulipuli ang pagripa alang sa banay* ni Eleasar ug sa banay ni Itamar; usa alang sa banay* ni Eleasar, dayon usa alang sa banay* ni Itamar.
7 Ang unang ripa natunong kang Jehoiarib; ang ikaduha kang Jedaia,
8 ang ikatulo kang Harim, ang ikaupat kang Seorim,
9 ang ikalima kang Malkias, ang ikaunom kang Mijamin,
10 ang ikapito kang Hakoz, ang ikawalo kang Abias,+
11 ang ikasiyam kang Jesua, ang ika-10 kang Secanias,
12 ang ika-11 kang Eliasib, ang ika-12 kang Jakim,
13 ang ika-13 kang Hupa, ang ika-14 kang Jesebeab,
14 ang ika-15 kang Bilga, ang ika-16 kang Imer,
15 ang ika-17 kang Hezir, ang ika-18 kang Hapizez,
16 ang ika-19 kang Petahia, ang ika-20 kang Jehezkel,
17 ang ika-21 kang Jakin, ang ika-22 kang Gamul,
18 ang ika-23 kang Delaias, ang ika-24 kang Maazias.
19 Kini ang ilang mga katungdanan sa pag-alagad+ dihang sila mosulod sa balay ni Jehova sumala sa pamaagi nga gihimo ni Aaron nga ilang katigulangan, sumala sa gisugo ni Jehova nga Diyos sa Israel kaniya.
20 Ug sa ubang mga Levihanon: sa mga anak ni Amram,+ si Subael;+ sa mga anak ni Subael, si Jedeias;
21 kang Rehabias:+ sa mga anak ni Rehabias, si Isias nga pangulo;
22 sa mga Izarnon, si Selomot;+ sa mga anak ni Selomot, si Jahat;
23 ug sa mga anak ni Hebron, si Jeria+ nga pangulo, si Amarias ang ikaduha, si Jahaziel ang ikatulo, si Jekameam ang ikaupat;
24 sa mga anak ni Uziel, si Miqueas; sa mga anak ni Miqueas, si Samir.
25 Ang igsoon ni Miqueas mao si Isias; sa mga anak ni Isias, si Zacarias.
26 Ang mga anak ni Merari+ mao si Mali ug Musi; sa mga anak ni Jaazias, si Beno.
27 Ang mga anak ni Merari: kang Jaazias, si Beno, Soham, Zacur, ug Ibri;
28 kang Mali, si Eleasar, nga walay anak nga lalaki;+
29 kang Kis: sa mga anak ni Kis, si Jerameel;
30 ug ang mga anak ni Musi mao si Mali, Eder, ug Jerimot.
Kini ang mga anak nga lalaki ni Levi sumala sa ilang mga banay.*
31 Ug sila nagripa+ usab sama sa gibuhat sa ilang mga igsoon nga mga anak ni Aaron sa atubangan ni Haring David, Zadok, Ahimelek, ug sa mga pangulo sa mga banay* sa mga saserdote ug mga Levihanon. Ang banay* sa magulang gitratar nga sama ra nianang sa manghod.
Mga Footnote
^ Sa linya sa amahan.
^ Sa linya sa amahan.
^ Sa linya sa amahan.
^ Sa linya sa amahan.
^ Sa linya sa amahan.
^ Sa linya sa amahan.
^ Sa linya sa amahan.
^ Sa linya sa amahan.
^ Sa linya sa amahan.
