Unang Cronicas 26:1-32
26 Mao kini ang mga dibisyon sa mga magbalantay sa ganghaan:+ Sa mga Korehanon, si Meselemias+ nga anak ni Kore gikan sa mga anak ni Asap.
2 Ug si Meselemias may mga anak nga lalaki: si Zacarias ang panganay, si Jediael ang ikaduha, si Zebadias ang ikatulo, si Jatniel ang ikaupat,
3 si Elam ang ikalima, si Jehohanan ang ikaunom, si Elieho-enai ang ikapito.
4 Ug si Obed-edom may mga anak nga lalaki: si Semaias ang panganay, si Jehozabad ang ikaduha, si Joa ang ikatulo, si Sacar ang ikaupat, si Netanel ang ikalima,
5 si Amiel ang ikaunom, si Isacar ang ikapito, ug si Peuletai ang ikawalo; kay ang Diyos nagpanalangin kaniya.
6 Ug kang Semaias nga iyang anak, dihay nangatawo nga mga anak kinsa nahimong mga pangulo sa ilang banay,* kay sila mga lalaking may katakos ug kusgan.
7 Ang mga anak ni Semaias: si Otni, Repael, Obed, ug Elzabad; ug ang iyang mga igsoong si Elihu ug Semakias may katakos usab.
8 Kini silang tanan maoy mga anak ni Obed-edom; sila ug ang ilang mga anak ug mga igsoon maoy mga lalaking may katakos ug kuwalipikado sa pag-alagad, 62 sila nga gikan kang Obed-edom.
9 Ug si Meselemias+ may mga anak ug mga igsoon, 18 ka lalaki nga may katakos.
10 Ug si Hosa sa mga anak ni Merari may mga anak. Si Simri mao ang pangulo, kay gitudlo siya sa iyang amahan ingong pangulo bisag dili siya ang panganay,
11 si Hilkias ang ikaduha, si Tebalias ang ikatulo, si Zacarias ang ikaupat. Ang tanang anak nga lalaki ug igsoong lalaki ni Hosa maoy 13.
12 Niini nga mga dibisyon sa mga magbalantay sa ganghaan, ang mga pangulo may mga buluhaton sama sa ilang mga igsoon, sa pag-alagad sa balay ni Jehova.
13 Busa sila nagripa,*+ ang gagmay ug dagkong banay,* alang sa lainlaing mga ganghaan.
14 Unya ang ripa sa sidlakan natunong kang Selemias. Sila nagripa alang kang Zacarias nga iyang anak, kinsa maalamong magtatambag, ug ang iyang ripa natunong sa amihanan.
15 Sa habagatan ang kang Obed-edom, ug ang iyang mga anak+ maoy gitudlo diha sa mga balay-tipiganan.
16 Sa kasadpan ang kang Supim ug Hosa,+ duol sa Ganghaan sa Saleket sa may dakong dalan nga patungas, ang usa ka grupo sa mga bantay atbang sa laing grupo sa mga bantay;
17 sa sidlakan unom ka Levihanon; sa amihanan upat kada adlaw, ug sa habagatan upat kada adlaw; ug sa mga balay-tipiganan,+ tinagurha;
18 sa portiko* sa kasadpan, upat sa dakong dalan+ ug duha sa portiko.
19 Mao kini ang mga dibisyon sa mga magbalantay sa ganghaan gikan sa mga anak sa mga Korehanon ug mga Merarihanon.
20 Bahin sa mga Levihanon, si Ahias ang nagdumala sa mga tipiganag bahandi sa balay sa matuod nga Diyos ug sa mga tipiganan sa bahandi nga gibalaan.*+
21 Ang mga anak ni Ladan: ang mga anak sa mga Gersonhon gikan kang Ladan, ang mga pangulo sa mga banay* gikan kang Ladan nga Gersonhon, si Jehieli+
22 ug ang mga anak ni Jehieli, si Zetam ug ang iyang igsoong si Joel. Sila ang nagdumala sa mga tipiganag bahandi sa balay ni Jehova.+
23 Sa mga Amramnon, Izarnon, Hebronhon, ug Uzielnon,+
24 si Sebuel nga anak ni Gersom nga anak ni Moises maoy pangulo nga nagdumala sa mga balay-tipiganan.
25 Ang iyang mga igsoon, gikan kang Eliezer,+ mao si Rehabias+ nga iyang anak, si Jesaias nga iyang anak, si Joram nga iyang anak, si Zikri nga iyang anak, ug si Selomot nga iyang anak.
26 Kini nga Selomot ug ang iyang mga igsoon maoy nagdumala sa tanang tipiganan sa mga bahandi nga gibalaan,+ nga gibalaan ni Haring David,+ sa mga pangulo sa mga banay,*+ sa mga pangulo sa kada 1,000 ug kada 100, ug sa mga pangulo sa kasundalohan.
27 Ang ubang mga inilog+ sa gubat+ ilang gibalaan aron gamiton sa pagmentinar sa balay ni Jehova;
28 ug usab ang tanang gibalaan ni Samuel nga tawo nga makakitag panan-awon,+ ni Saul nga anak ni Kis, ni Abner+ nga anak ni Ner, ug ni Joab+ nga anak ni Zeruia.+ Ang tanang gibalaan ni bisan kinsa gitugyan kang Selomit ug sa iyang mga igsoon.
29 Sa mga Izarnon,+ si Kenanias ug ang iyang mga anak gitudlo sa mga buluhaton sa gawas sa balay sa Diyos ingong mga opisyal ug mga maghuhukom+ sa Israel.
30 Sa mga Hebronhon,+ si Hasabias ug ang iyang mga igsoon, 1,700 ka lalaki nga may katakos, maoy nagdumala sa administrasyon sa Israel sa rehiyon nga kasadpan sa Jordan alang sa tanang buluhaton ni Jehova ug alang sa pag-alagad sa hari.
31 Sa mga Hebronhon, si Jerias+ ang pangulo sa mga banay* ug sa mga pamilya sa mga Hebronhon. Sa ika-40 nga tuig sa paghari ni David,+ dihay gihimong pagsusi kanila, ug nakaplagan sa Jazer+ sa Gilead ang mga lalaki nga kusgan ug may katakos.
32 Ug ang iyang mga igsoon maoy 2,700 ka lalaking may katakos, mga pangulo sa mga banay.* Busa gitudlo sila ni Haring David sa pagdumala sa mga Rubenhon, Gadhanon, ug sa katunga sa tribo sa mga Manasesnon, alang sa tanang butang maylabot sa matuod nga Diyos ug maylabot sa hari.
Mga Footnote
^ Sa linya sa amahan.
^ Sa linya sa amahan.
^ Inatopan nga lugar nga may mga haligi.
^ O “mga butang nga gipahinungod.”
^ Sa linya sa amahan.
^ Sa linya sa amahan.
^ Sa linya sa amahan.
^ Sa linya sa amahan.
