Unang Cronicas 9:1-44
9 Ang tanang Israelinhon natala sa talaan sa kaliwatan, ug sila anaa sa Basahon sa mga Hari sa Israel. Ug ang Juda gidestiyero ngadto sa Babilonya kay kini wala magmatinumanon.+
2 Ang unang mga molupyo nga mibalik sa ilang mga gipanag-iya diha sa ilang mga siyudad mao ang ubang Israelinhon, mga saserdote, mga Levihanon, ug mga alagad sa templo.*+
3 Ug ang ubang kaliwat ni Juda,+ Benjamin,+ Epraim, ug Manases mipuyo sa Jerusalem:
4 si Utai nga anak ni Amihud nga anak ni Omri nga anak ni Imri nga anak ni Bani, gikan sa mga kaliwat ni Perez+ nga anak ni Juda.
5 Ug sa mga Shilonhon, si Asaias nga panganay ug ang iyang mga anak.
6 Ug sa mga anak ni Zera,+ si Jeuel ug ang 690 sa ilang mga igsoon.
7 Ug sa mga kaliwat ni Benjamin, si Sallu nga anak ni Mesulam nga anak ni Hodavia nga anak ni Hasenua,
8 si Ibneias nga anak ni Jeroham, si Elah nga anak ni Uzi nga anak ni Mikri, ug si Mesulam nga anak ni Sepatias nga anak ni Reuel nga anak ni Ibnias.
9 Ug ang ilang mga igsoon sumala sa ilang mga kaliwat maoy 956. Silang tanan maoy pangulo sa ilang mga banay.*
10 Ug sa mga saserdote, diha si Jedaia, Jehoiarib, Jakin,+
11 si Azarias nga anak ni Hilkias nga anak ni Mesulam nga anak ni Zadok nga anak ni Meraiot nga anak ni Ahitub, nga sinaligan sa balay* sa matuod nga Diyos,
12 si Adaia nga anak ni Jeroham nga anak ni Pasur nga anak ni Malkias, si Maasai nga anak ni Adiel nga anak ni Jazera nga anak ni Mesulam nga anak ni Mesilemit nga anak ni Imer,
13 ug ang ilang mga igsoon, nga mga pangulo sa ilang mga banay,* 1,760 ka kusgan ug may katakos nga mga lalaki nga andam sa pag-alagad sa balay sa matuod nga Diyos.
14 Ug sa mga Levihanon, diha si Semaias+ nga anak ni Hasub nga anak ni Azrikam nga anak ni Hasabias gikan sa mga kaliwat ni Merari;
15 ug si Bakbakar, Heres, Galal, Matanias nga anak ni Mica nga anak ni Zikri nga anak ni Asap,
16 si Abdias nga anak ni Semaias nga anak ni Galal nga anak ni Jedutun, ug si Berekias nga anak ni Asa nga anak ni Elkana, kinsa nagpuyo sa mga komunidad sa mga Netopahanon.+
17 Ang mga magbalantay sa ganghaan*+ mao si Salum, Akub, Talmon, ug Ahiman; si Salum nga ilang igsoon mao ang pangulo,
18 ug hangtod niadtong tungora siya didto sa ganghaan sa hari, sa sidlakang bahin.+ Mao kini sila ang mga magbalantay sa ganghaan sa mga kampo sa mga Levihanon.
19 Ug si Salum nga anak ni Kore nga anak ni Ebiasap nga anak ni Kore, ug ang iyang mga igsoon sa iyang banay,* ang mga Korehanon, maoy responsable sa mga buluhaton sa pag-alagad, sa pagbantay sa pultahan sa tolda, ug ang ilang mga amahan nag-alagad sa kampo ni Jehova ingong mga magbalantay sa entrada.
20 Si Pinehas+ nga anak ni Eleasar+ mao ang ilang pangulo kaniadto; si Jehova nag-uban kaniya.
21 Si Zacarias+ nga anak ni Meselemias mao ang magbalantay sa entrada sa tolda nga tagboanan.
22 Ang tanang gipili ingong mga magbalantay sa mga entrada maoy 212. Sila nagpuyo sa ilang mga komunidad sumala sa talaan sa ilang kaliwatan.+ Si David ug si Samuel nga tawo nga makakitag panan-awon+ maoy nagtudlo kanila sa ilang katungdanan kay sila kasaligan.
23 Sila ug ang ilang mga anak maoy nag-alagad ingong bantay diha sa mga ganghaan sa balay ni Jehova,+ ang balay nga tolda.
24 Ang mga magbalantay sa ganghaan didto sa upat ka kilid—sa sidlakan, kasadpan, amihanan, ug habagatan.+
25 Matag karon ug unya, ang ilang mga igsoon mangabot gikan sa ilang mga komunidad aron mag-alagad uban kanila sulod sa pito ka adlaw.
26 Dihay upat ka pangulong* magbalantay sa ganghaan nga mga sinaligan. Sila mga Levihanon, ug gisalig kanila ang mga lawak* ug ang mga tipiganag bahandi sa balay sa matuod nga Diyos.+
27 Sa tibuok gabii magbarog sila sa ilang puwesto palibot sa balay sa matuod nga Diyos, kay sila ang gitugyanan sa pag-alagad ingong bantay ug gisaligan sa yawi ug sila ang mag-abli sa balay kada buntag.
28 Ang uban kanila maoy gitugyanan sa mga galamiton+ sa pag-alagad; ila kining iphon dihang dad-on nila kini sa sulod ug iphon usab dihang ila kining ipagawas.
29 Ang uban kanila gisaligan sa ubang galamiton, sa tanang balaang galamiton,+ ug sa pino nga harina,+ sa bino,+ sa lana,+ sa kamangyan,+ ug sa lana sa balsamo.+
30 Ang uban sa mga anak sa mga saserdote maoy mga tighimog humot nga lana sa balsamo.
31 Ug si Matitias nga Levihanon, nga panganay ni Salum nga Korehanon, maoy sinaligan sa mga linuto diha sa mga kalaha.+
32 Ang uban nilang igsoon nga mga Kohatnon maoy gitugyanan sa halad nga tinapay,*+ sa pag-andam niini matag igpapahulay.+
33 Mao kini ang mga mag-aawit, ang mga pangulo sa mga banay* sa mga Levihanon nga diha sa mga lawak,* kinsa gipahigawas sa ubang buluhaton; kay responsibilidad nila nga anaa sila sa ilang buluhaton adlaw ug gabii.
34 Mao kini ang mga pangulo sa mga banay* sa mga Levihanon sumala sa ilang kaliwat. Sila namuyo sa Jerusalem.
35 Ang amahan sa Gabaon, si Jeiel, nagpuyo sa Gabaon.+ Ang iyang asawa mao si Maaca.
36 Ug ang iyang panganay mao si Abdon, dayon si Zur, Kis, Baal, Ner, Nadab,
37 Gedor, Ahio, Zacarias, ug Miklot.
38 Si Miklot ang amahan ni Simeam. Ug silang tanan namuyo duol sa ilang mga igsoon sa Jerusalem, kauban sa ilang ubang igsoon.
39 Si Ner+ ang amahan ni Kis; si Kis ang amahan ni Saul;+ si Saul ang amahan ni Jonatan,+ Malki-sua,+ Abinadab,+ ug Esbaal.
40 Ug ang anak ni Jonatan mao si Merib-baal.+ Si Merib-baal ang amahan ni Miqueas.+
41 Ug ang mga anak ni Miqueas mao si Piton, Melek, Tahrea, ug Ahaz.
42 Si Ahaz ang amahan ni Jara; si Jara ang amahan ni Alemet, Azmavet, ug Zimri. Si Zimri ang amahan ni Moza.
43 Si Moza ang amahan ni Binea ug si Repaias ang iyang anak, si Eleasa ang iyang anak, si Azel ang iyang anak.
44 Si Azel dunay unom ka anak, ug mao kini ang ilang ngalan: Azrikam, Bokeru, Ismael, Searias, Abdias, ug Hanan. Mao kini ang mga anak ni Azel.
Mga Footnote
^ Literal, “mga pangulo sa mga amahan alang sa panimalay sa ilang mga amahan.”
^ O “templo.”
^ Sa linya sa amahan.
^ Iningles, gate.
^ Sa linya sa amahan.
^ O “lawak-kan-anan.”
^ Literal, “kusgang.”
^ Sa linya sa amahan.
^ O “lawak-kan-anan.”
^ Sa linya sa amahan.
