Ikaduhang Samuel 22:1-51
22 Ug si David misulti kang Jehova sa mga pulong niini nga awit+ sa adlaw nga giluwas siya ni Jehova gikan sa kamot sa tanan niyang kaaway+ ug sa kamot ni Saul.+
2 Siya miingon:
“Si Jehova mao ang akong dakong bato ug akong salipdanan+ ug ang Usa nga nagluwas kanako.+
3 Ang akong Diyos mao ang akong bato,+ kaniya ako modangop,Ang akong taming+ ug akong sungay* sa kaluwasan,* ang akong luwas nga dangpanan,*+Ug ang akong dapit nga kalagiwan,+ akong manluluwas;+ ikaw nga nagluwas kanako gikan sa kapintasan.
4 Ako motawag kang Jehova, nga takos dayegon,Ug ako pagaluwason gikan sa akong mga kaaway.
5 Ang mga balod sa kamatayon nagapusgay palibot kanako;+Ang kusog nga mga pagbaha sa walay pulos nga mga tawo nakapalisang kanako.+
6 Ang mga higot sa Lubnganan* naggapos kanako;+Ang kamatayon nagbutang ug lit-ag sa akong atubangan.+
7 Sa akong kasakitan ako mitawag kang Jehova,+Sa akong Diyos ako nagpadayon sa pagtawag.
Unya gikan sa iyang templo iyang nadungog ang akong tingog,Ang akong pagtuaw alang sa tabang nakaabot sa iyang igdulungog.+
8 Ang yuta natay-og ug nauyog;+Ang mga pundasyon sa kalangitan mikurog+Ug nangatay-og kay dihay nakapasuko kaniya.+
9 Ang aso miutbo gikan sa mga buho sa iyang ilong,Ug ang nagaut-ot nga kalayo migula sa iyang baba;+Ang nagsigang mga baga misilaob gikan kaniya.
10 Ang kalangitan nabawog sa iyang pagkanaog,+Ug ang kangitngit anaa sa ilalom sa iyang mga tiil.+
11 Siya nagsakay sa kerubin+ ug miabot nga naglupad.
Siya nakita diha sa mga pako sa espiritu.*+
12 Unya iyang gibutang ang kangitngit sa iyang palibot ingong puy-anan,+Ang naglugitom nga katubigan ug bagang kapanganoran.
13 Gikan sa kasanag diha sa iyang atubangan misilaob ang nagsigang mga baga.
14 Unya gikan sa langit si Jehova nagpadalugdog;+Gipadungog sa Labing Hataas ang iyang tingog.+
15 Gipana niya ang iyang mga udyong+ ug nangatibulaag sila;Siya nagpakilat, ug nagkaguliyang sila.+
16 Ang salog sa dagat nakita;+Ang mga pundasyon sa yuta nadayag tungod sa pagbadlong ni Jehova,Tungod sa bulhot sa gininhawa gikan sa iyang ilong.+
17 Mikawhat siya gikan sa kahitas-an;Gikuptan ko niya ug gihaw-as gikan sa lalom nga katubigan.+
18 Iya kong giluwas gikan sa kusgan nakong kaaway,+Gikan niadtong mga nagdumot kanako, nga mas kusgan kay kanako.
19 Sila nakigharong kanako sa adlaw sa akong katalagman,+Apan si Jehova nagpaluyo kanako.
20 Siya nagpagawas kanako ngadto sa luwas* nga dapit;+Giluwas ko niya kay siya may kalipay kanako.+
21 Si Jehova nagganti kanako sumala sa akong pagkamatarong;+Siya nagabalos kanako kay inosente ko.*+
22 Kay nagsubay ko sa mga dalan ni Jehova,Ug wala gyod ko mobiya sa akong Diyos, kay ang pagbuhat niini daotan.
23 Ang tanan niyang hukom+ ania sa akong atubangan;Dili ko motipas gikan sa iyang mga lagda.+
24 Ako magpabiling walay ikasaway+ diha sa iyang atubangan,Ug magpahilayo ko sa kasaypanan.+
25 Hinaot si Jehova magabalos kanako kay ako matarong,+Kay inosente ko sa iyang atubangan.+
26 Sa maunongon ikaw magmaunongon;+Sa walay ikasaway ug kusgan nga tawo ikaw makiglabot nga walay ikasaway;+
27 Sa usa nga putli imong ipakita nga ikaw putli,+Apan sa usa nga baliko imong ipakita nga ikaw maalamon.*+
28 Kay imong luwason ang mga mapainubsanon,+Apan ang imong mga mata maoy batok sa mga mapahitas-on, ug imo silang ipaubos.+
29 Kay ikaw ang akong lampara, Oh Jehova;+Si Jehova maoy nagdan-ag sa akong kangitngit.+
30 Pinaagi sa imong tabang ako makaasdang batok sa mga bandido;Pinaagi sa gahom sa Diyos ako makakatkat ug paril.+
31 Ang dalan sa matuod nga Diyos hingpit;+Ang pulong ni Jehova dalisay.+
Siya maoy taming alang sa tanang modangop kaniya.+
32 Kay kinsa ang Diyos gawas kang Jehova?+
Ug kinsa ang bato gawas sa atong Diyos?+
33 Ang matuod nga Diyos mao ang akong lig-ong kuta,+Ug himoon niyang hingpit ang akong dalan.+
34 Himoon niya ang akong mga tiil nga sama nianang sa osa;Iya kong pabarogon sa tag-as nga dapit.+
35 Siya nagbansay sa akong mga kamot sa pagpakiggubat;Ang akong mga bukton makabawog ug busogan nga tumbaga.
36 Gihatag nimo kanako ang imong taming sa kaluwasan,Ug ang imong pagkamapainubsanon naghimo kanakong bantogan.+
37 Imong gipadak-an ang dalan alang sa akong mga lakang;Ang akong mga tiil* dili madakin-as.+
38 Gukdon nako ang akong mga kaaway ug laglagon sila;Dili ko mopauli hangtod nga mapuo sila.
39 Ug akong puohon sila ug dugmokon, aron dili na sila makabangon;+Mangapukan sila sa ilalom sa akong mga tiil.
40 Hatagan ko nimog kusog alang sa pagpakiggubat;+Imong lup-ogon sa ilalom nako ang akong mga kaaway.+
41 Imong paatrason ang akong mga kaaway;*+Akong taposon* kadtong nagdumot kanako.+
42 Sila magpakiluoy alang sa tabang, apan walay moluwas kanila;Sila motuaw bisan kang Jehova, apan siya dili motubag kanila.+
43 Dugmokon nako sila nga sama ka pino sa abog sa yuta;Pulpogon nako sila ug yatakyatakan samag lapok sa kadalanan.
44 Imo kong luwason gikan sa pagpangitag sayop sa akong katawhan.+
Ikaw manalipod kanako aron mahimong pangulo sa mga nasod;+Ang katawhan nga wala nako mailhi mag-alagad kanako.+
45 Ang mga langyaw manganhi nga moyukbo uban ang kataha;+
Sila mosunod kanako tungod sa ilang madungog bahin kanako.*
46 Ang mga langyaw mawad-ag kaisog;*
Sila manganhi nga magpangurog gikan sa ilang mga kuta.
47 Si Jehova buhi! Dalayegon ang akong Bato!+
Pagabayawon ang Diyos, ang bato sa akong kaluwasan.+
48 Ang matuod nga Diyos manimalos alang kanako;+Iyang ipailalom kanako ang mga katawhan;+
49 Siya nagluwas kanako gikan sa akong mga kaaway.
Ikaw nag-isa kanako+ ibabaw niadtong miasdang kanako;Ikaw nagluwas kanako gikan sa pintas nga tawo.+
50 Mao nga ako magpasalamat kanimo, Oh Jehova, taliwala sa mga nasod,+Ug sa imong ngalan ako mag-awit ug mga pagdayeg:*+
51 Siya nagahimog dagkong buhat sa kaluwasan* alang sa iyang hari;+Siya nagapakitag maunongong gugma ngadto sa iyang dinihogan,*Kang David ug sa iyang kaliwat* hangtod sa hangtod.”+
Mga Footnote
^ O “gamhanang manluluwas.”
^ O “luwas nga taas nga dapit.”
^ O “hangin.”
^ O “luag.”
^ Literal, “hinlo ang akong mga kamot.”
^ O posible, “ikaw molihok nga binuangbuang.”
^ O “buolbuol.”
^ O “Imong ihatag kanako ang likod sa akong mga kaaway.”
^ Literal, “pahilomon.”
^ Literal, “Sa pagkadungog sa igdulungog, sila mosunod kanako.”
^ O “mangahanaw.”
^ O “mag-awit nga dinuyogag musika.”
^ O “dagkong kadaogan.”
^ Literal, “binhi.”
