Amos 1:1-15
1 Ang mensahe ni Amos,* nga usa sa mga tigbuhig karnero nga taga-Tekoa.+ Nadawat niya kini pinaagig panan-awon duha ka tuig sa wala pa ang linog.+ Bahin kini sa Israel sa panahon ni Haring Uzzias+ sa Juda ug sa panahon ni Haring Jeroboam+ sa Israel, nga anak ni Joas.+
2 Siya miingon:
“Si Jehova mongulob gikan sa Zion,Ug ipalanog niya ang iyang tingog gikan sa Jerusalem.
Ang mga sibsibanan mangalaya,Ug ang tumoy sa Carmelo mauga.”+
3 “Kini ang giingon ni Jehova,‘“Tungod sa balikbalik nga pagrebelde* sa* Damasco, dili nako kini bakwion,Kay ilang gigiok ang Gilead pinaagig puthawng balsa nga panggiok.+
4 Busa magpadala kog kalayo sa panimalay ni Hazael,+Ug lamyon niini ang lig-ong mga torre ni Ben-hadad.+
5 Gub-on nako ang mga trangka sa Damasco;+Laglagon nako ang mga nagpuyo sa Bikat-avenUg ang nagmando* sa Bet-eden;Ug ang katawhan sa Sirya dad-on sa Kir ingong mga binihag,”+ miingon si Jehova.’
6 Kini ang giingon ni Jehova,‘“Tungod sa balikbalik nga pagrebelde sa Gaza,+ dili nako kini bakwion,Kay gitugyan nila sa Edom ang tanan nilang binihag.+
7 Busa magpadala kog kalayo sa paril sa Gaza,+Ug lamyon niini ang iyang lig-ong mga torre.
8 Laglagon nako ang mga molupyo sa Asdod+Ug ang nagmando* sa Askelon;+Silotan nako ang Ekron,+Ug ang mabilin sa mga Filistehanon mangalaglag,”+ miingon ang Soberanong Ginoong Jehova.’
9 Kini ang giingon ni Jehova,‘Tungod sa balikbalik nga pagrebelde sa Tiro,+ dili nako kini bakwion,Kay gitugyan nila sa Edom ang tanan nilang binihag,Ug wala nila hinumdomi ang pakigsaad sa mga igsoon.+
10 Busa magpadala kog kalayo sa paril sa Tiro,Ug lamyon niini ang iyang lig-ong mga torre.’+
11 Kini ang giingon ni Jehova,‘Tungod sa balikbalik nga pagrebelde sa Edom,+ dili nako kini bakwion,Kay gigukod niyag espada ang iyang kaugalingong igsoon,+Ug wala siya maluoy;Sa iyang kasuko padayon niyang giwataswatas sila,Ug padayon siyang napungot kanila.+
12 Busa magpadala kog kalayo sa Teman,+Ug lamyon niini ang lig-ong mga torre sa Bozra.’+
13 Kini ang giingon ni Jehova,‘“Tungod sa balikbalik nga pagrebelde sa mga Ammonhanon,+ dili nako kini bakwion,Kay ilang gidisdisan ang mga mabdos sa Gilead aron molapad ang ilang teritoryo.+
14 Busa daoban nako ang paril sa Raba,+Ug masunog ang iyang lig-ong mga torre;Dunay singgit sa pakiggubat sa adlaw sa gubatUg kusog nga unos sa adlaw sa bagyo.
15 Ug bihagon ang ilang hari apil ang iyang mga prinsipe,”+ miingon si Jehova.’
Mga Footnote
^ Kahulogan, “Usa ka Luwan” o “Nagdalag Luwan.”
^ O “mga krimen.”
^ Niining kapituloha, kini nga pamulong sa literal nagpasabot, “Tungod sa tulo ug sa upat ka pagrebelde sa.”
^ Literal, “ang usa nga nagkupot sa setro.”
^ Literal, “ang usa nga nagkupot sa setro.”