Awit ni Solomon 2:1-17
2 “Usa lang ko ka safron* sa patag daplin sa baybayon,Usa ka lirio sa walog.”+
2 “Samag lirio taliwala sa tunokong mga sagbotMao man usab ang akong hinigugma taliwala sa mga batan-ong babaye.”
3 “Samag kahoyng mansanas taliwala sa mga kahoy sa lasang,Mao man usab ang akong minahal taliwala sa mga ulitawo.
Gusto kaayo nakong mopasilong sa iyang landong,Ug lami kaayo ang iyang bunga.
4 Gidala ko niya sa balay sa kombira,*Ug ang bandila nga iyang gibutang ibabaw nako maoy gugma.
5 Palagsika ko pinaagig tinapayng pasas;+Pakan-a kog mga mansanas,Kay nagsakit ko tungod sa gugma.
6 Ang iyang walang kamot giunlanan sa akong ulo,Ug ang iyang tuong kamot naggakos nako.+
7 Panumpa mo nako, Oh mga anak nga babaye sa Jerusalem,Pinaagi sa mga gasela+ ug sa mga osa sa kapatagan:
Ayawg pukawa ang akong gugma hangtod nga kini mopitik na.+
8 Ang tingog sa akong minahal!
Tan-awa! Nagpadulong na siya.
Siya mitungas sa kabukiran ug miambak sa kabungtoran.
9 Ang akong minahal samag gasela, samag batan-on nga laking osa.+
Tua siya nagtindog sa gawas sa bungbong sa among balay.
Mitan-aw siya sa mga bentanaUg milili diha sa mga rehasrehas.
10 Ang akong minahal miingon nako:
‘Tindog, akong guwapa nga hinigugma.
Dali, manglakaw ta.
11 Tan-awa! Ang tingtugnaw* milabay na.
Wala nay ulan, kini human na.
12 Tingpamulak na sa yuta,+Ang panahon sa pagpul-ong miabot na,+Ug ang awit sa tukmo madungog na sa atong yuta.+
13 Hinog na ang unang bunga sa kahoyng igos;+Ang punoan sa mga ubas namulak na ug nangalimyon sa kahumot.
Tindog, akong guwapang hinigugma.
Dali, manglakaw ta.
14 Oh akong salampati nga naa sa habog nga mga bato,+Sa natago nga mga pangpang,Pakita nako ug padungga ko sa imong tingog,+Kay ang imong tingog nindot paminawon ug guwapa kang tan-awon.’”+
15 “Dakpa ang mga irong ihalas para namo,Ang gagmay nga irong ihalas nga nagdaot sa mga ubasan,Kay namulak na ang among ubasan.”
16 “Ang akong minahal akoa ug ako iyaha.+
Siya nagbantay sa kahayopan+ taliwala sa mga lirio.+
17 Hangtod mohuros ang hangin* ug mawala ang landong,Pagdalig balik, akong minahal,Samag gasela+ o batan-on nga laking osa+ ibabaw sa kabukiran nga nagbulag kanato.*
Mga Footnote
^ Klase sa bulak.
^ Literal, “balay sa bino.”
^ O “ting-ulan.”
^ Literal, “moginhawa ang adlaw.”
^ O posible, “sa pangpang sa kabukiran.” O “sa kabukiran sa Bether.”
