Jeremias 1:1-19
1 Kini ang mga pulong ni Jeremias* nga anak ni Hilkias, usa sa mga saserdote sa Anatot+ sa yuta sa Benjamin.
2 Ang mensahe ni Jehova iyang nadawat sa mga adlaw ni Josias+ nga anak ni Amon,+ nga hari sa Juda, sa ika-13 nga tuig sa iyang pagmando.
3 Nadawat usab niya kini sa mga adlaw ni Jehoiakim+ nga anak ni Josias, nga hari sa Juda, hangtod sa pagkatapos sa ika-11 nga tuig sa pagmando ni Zedekias+ nga anak ni Josias, nga hari sa Juda, hangtod nga ang Jerusalem nadestiyero sa ikalimang bulan.+
4 Ang pulong ni Jehova nadawat nako, nga nag-ingon:
5 “Sa wala pa ka nako umola diha sa tagoangkan nakaila na ko nimo,*+Ug sa wala pa ka matawo* gibalaan* na ka nako.+
Gihimo ka nakong propeta* sa kanasoran.”
6 Apan miingon ko: “Intawon, Oh Soberanong Ginoong Jehova!
Dili ko mahibalong mosulti,+ kay bata* pa ko.”+
7 Unya si Jehova miingon kanako:
“Ayaw pag-ingon, ‘Bata pa ko.’
Kay angay kang moadto sa tanan nakong paadtoan kanimo,Ug angay nimong isulti ang tanan nakong isugo kanimo.+
8 Ayawg kahadlok kanila,+Kay ‘ako nagauban kanimo sa pagluwas kanimo,’+ miingon si Jehova.”
9 Unya gituy-od ni Jehova ang iyang kamot ug gihikap ang akong baba.+ Ug si Jehova miingon kanako: “Gibutang nako ang akong mga pulong diha sa imong baba.+
10 Ania, gitudlo ka nako niining adlawa nga magdumala sa kanasoran ug sa mga gingharian, sa pagluka ug sa paggun-ob, sa paglaglag ug sa paglumpag, sa pagtukod ug sa pagtanom.”+
11 Nakadawat na usab kog mensahe gikan kang Jehova, nga nag-ingon: “Unsay imong nakita, Jeremias?” Busa mitubag ko: “Nakakita kog sanga sa kahoyng almendras.”*
12 Si Jehova miingon kanako: “Husto ang imong nakita, kay pabilin kong nagmata sa pagtuman sa akong pulong.”
13 Nakadawat na usab kog mensahe gikan kang Jehova sa ikaduhang higayon, nga nag-ingon: “Unsay imong nakita?” Busa mitubag ko: “Nakakita kog nagbukal* nga kulon,* ug ang baba niini nagtakilid gikan sa amihanan.”
14 Unya si Jehova miingon kanako:
“Gikan sa amihanan ang katalagman buhianBatok sa tanang molupyo sa yuta.+
15 Kay ‘akong ipatawag ang tanang banay sa mga gingharian sa amihanan,’ miingon si Jehova,+‘Ug sila moabot; ang matag usa magpahimutang sa iyang tronoDiha sa entrada sa mga ganghaan* sa Jerusalem,+Batok sa tanan niyang paril sa palibotUg batok sa tanang siyudad sa Juda.+
16 Ug ipahayag nako ang akong mga paghukom batok kanila tungod sa tanan nilang pagkadaotan,Kay sila mibiya kanako,+Ug sila naghimog gipaaso nga halad ngadto sa ubang mga diyos+Ug nagyukbo sa mga binuhat sa ilang mga kamot.’+
17 Apan angay kang mangandam,*Ug kinahanglan kang motindog ug isulti kanila ang tanan nakong isugo kanimo.
Ayawg kahadlok kanila,+Aron dili nako tugotan nga mahadlok ka sa ilang atubangan.
18 Kay karong adlawa gihimo ka nakong siyudad nga lig-on ug depensa,Usa ka haliging puthaw, ug mga paril nga tumbaga* batok sa tibuok yuta,+Batok sa mga hari sa Juda ug sa iyang mga prinsipe,Batok sa iyang mga saserdote ug sa katawhan sa yuta.+
19 Ug sila makig-away gayod kanimo,Apan dili sila makadaog kanimo,Kay ‘ako nagauban kanimo,’+ miingon si Jehova, ‘sa pagluwas kanimo.’”
Mga Footnote
^ Posibleng kahulogan, “Si Jehova Nagbayaw.”
^ Literal, “mogula sa tagoangkan.”
^ O “manalagna.”
^ O “gilain.”
^ O “gipili na ka nako.”
^ O “batan-on.”
^ Literal, “sa usa nga nagmata.”
^ Literal, “gihuypan,” nga nagpakitang gihuypan ang kalayo sa ilalom niini.
^ O “dakog baba nga kulon.”
^ Iningles, gate.
^ Literal, “angay nimong baksan ang imong bat-ang.”
^ Iningles, copper.
