Jeremias 10:1-25
10 Paminawa ninyo ang gisulti ni Jehova batok kaninyo, Oh panimalay ni Israel.
2 Kini ang giingon ni Jehova:
“Ayaw ninyog subaya ang dalan sa kanasoran,+Ug ayawg kalisang sa mga ilhanan sa kalangitanKay ang kanasoran nalisang kanila.+
3 Kay ang mga kostumbre sa mga katawhan maoy panglimbong.*
Ang usa ka artesano* nagputol ug kahoy sa lasang,Ug giporma niya kini gamit ang iyang himan.*+
4 Gipanindot nila kini pinaagig plata ug bulawan+Ug gimartilyo ug gilansang kini aron dili mahulog.+
5 Samag tawotawo diha sa uma sa pepino, kini dili makasulti;+Kinahanglan kining pas-anon kay kini dili makalakaw.+
Ayawg kahadlok niini, kay kini dili makahimog kadaot,Ug dili usab kini makahimog bisan unsang maayo.”+
6 Walay sama nimo, Oh Jehova.+
Ikaw halangdon, ug ang imong ngalan dungganon ug gamhanan.
7 Oh Hari sa kanasoran,+ kinsa ang dili mahadlok kanimo? Kay ikaw takos niini;Kay taliwala sa tanang maalamon sa kanasoran ug sa tanan nilang gingharian,Wala gayoy sama nimo.+
8 Silang tanan walay salabotan ug buangbuang.+
Ang pagtulon-an sa usa ka kahoy malimbongon.*+
9 Ang palid nga mga plata nga gikan sa Tarsis+ ug ang bulawan nga gikan sa UpazMaoy gamiton sa mga artesano ug sa mga tigpanday ug metal sa paghaklap sa kahoy.
Ang besti niini gama sa asul nga hilo ug sa purpura* nga delana.*
Kining tanan ginama sa hanas nga mga trabahador.
10 Apan si Jehova sa pagkatinuod Diyos.
Siya ang Diyos nga buhi+ ug ang Hari hangtod sa hangtod.+
Tungod sa iyang kasuko ang yuta mauyog,+Ug walay kanasoran nga makasugakod sa iyang paghukom.
11 * Kini ang angay ninyong isulti kanila:
“Ang mga diyos nga wala magbuhat sa kalangitan ug sa yutaMangalaglag sa yuta ug sa silong niini nga kalangitan.”+
12 Siya ang Magbubuhat sa yuta pinaagi sa iyang gahom,Ang Usa nga nagpahiluna sa mabungahong yuta pinaagi sa iyang kaalam+Ug nagbuklad sa kalangitan pinaagi sa iyang pagsabot.+
13 Dihang iyang ipadungog ang iyang tingog,Ang mga tubig sa kalangitan modaguok,+Ug iyang pasakaon ang mga panganod* gikan sa mga kinatumyan sa yuta.+
Siya magpatunghag kilat* alang sa ulan,Ug pagulaon niya ang hangin gikan sa iyang mga tipiganan.+
14 Ang matag tawo molihok nga walay salabotan ug walay kahibalo.
Ang matag tigpanday ug metal maulawan tungod sa kinulit nga larawan;+Kay ang iyang metal nga imahen* maoy kabakakan,Ug kini walay espiritu.*+
15 Panglimbong* kini ug butang nga kayagayagaan.+
Dihang moabot ang ilang adlaw sa paghukom, sila malaglag.
16 Ang Bahin ni Jacob dili sama niining mga butanga,Kay siya ang Usa nga nag-umol sa tanang butang,Ug ang Israel mao ang sungkod sa iyang panulondon.+
Jehova sa mga panon ang iyang ngalan.+
17 Hiposa ang imong pinutos diha sa yuta,Oh babaye nga nagpuyo nga daw gilikosan.
18 Kay kini ang giingon ni Jehova:
“Ania, ang mga molupyo sa yuta akong ilabay* niining panahona,+Ug akong ipahinabo nga makasinati silag kasakit.”
19 Alaot ko tungod sa akong samad!*+
Ang akong samad dili na maayo.
Ug miingon ko: “Mao na gyod kini ang akong sakit, ug kinahanglan nako kining antoson.
20 Ang akong tolda naguba, ug ang mga pisi sa akong tolda nangabugto tanan.+
Ang akong mga anak namiya kanako ug wala na sila.+
Wala nay nahibiling magbuklad sa akong tolda o magpatindog sa akong mga telang pangtolda.
21 Kay ang mga magbalantay migawi nga walay salabotan,+Ug wala sila magpakisayod kang Jehova.+
Mao nga wala sila molihok nga maalamon,Ug ang tanan nilang panon nangatibulaag.”+
22 Pamatia ninyo ang balita! Nagsingabot na kini!
Dunay grabeng linagubo gikan sa yuta sa amihanan,+Aron ang mga siyudad sa Juda himoong awaaw ug puy-anan sa mga irong ihalas.+
23 Nahibalo ko pag-ayo, Oh Jehova, nga dili iya sa tawo ang pagtultol sa iyang dalan.
Dili iya sa tawong naglakaw bisan ang pagtultol sa iyang lakang.+
24 Oh Jehova, tul-ira ko subay sa hustisya,Apan dili sa imong kasuko,+ aron dili ko malaglag.+
25 Ibubo ang imong dakong kasuko sa kanasoran nga dili manumbaling kanimo+Ug sa mga banay nga wala magtawag sa imong ngalan.
Kay ilang gilamoy si Jacob,+Oo, ilang gilamoy siya hangtod nga mapuo siya,+Ug ilang gihimong awaaw ang iyang yutang natawhan.+
Mga Footnote
^ O “kakawangan.”
^ Hanas sa paghimog mga butang.
^ O “panglilok.”
^ O “kakawangan.”
^ Duolduol sa violet.
^ Panapton nga gama sa balhibo sa karnero.
^ Sa orihinal, ang bersikulo 11 gisulat sa Aramaiko.
^ O posible, “agasanan.”
^ O “alisngaw.”
^ O “hinulma nga estatuwa.”
^ O “gininhawa.”
^ O “Kakawangan.”
^ O “ipalantig.”
^ O “bali!”
