Jeremias 47:1-7
-
Tagna batok sa mga Filistehanon (1-7)
47 Kini ang mensahe ni Jehova kang propetang Jeremias bahin sa mga Filistehanon,+ sa wala pa laglaga sa Paraon ang Gaza.
2 Kini ang giingon ni Jehova:
“Tan-awa! Ang katubigan naggikan sa amihanan.
Mahimo kining nagbul-og nga katubigan.
Ug lunopan niini ang yuta ug ang tanang anaa niini,Ang siyudad ug ang mga nagpuyo niini.
Ang mga tawo maninggit,Ug ang tanang nagpuyo sa yuta motiyabaw.
3 Sa tinagaktak sa mga tiil sa iyang mga laking kabayo,Sa kabanha sa iyang mga karong panggubatUg sa dinahunog sa iyang mga ligid,Ang mga amahan dili na gani molingi sa ilang mga anak,Kay ang ilang mga kamot manghuyhoy,
4 Kay ang nagsingabot nga adlaw molaglag sa tanang Filistehanon;+Wad-on niini ang matag nahibiling kaalyado sa Tiro+ ug Sidon.+
Kay laglagon ni Jehova ang mga Filistehanon,Ang mga nahibilin gikan sa isla sa Captor.*+
5 Ang Gaza maupaw.*
Ang Askelon gipahilom.+
Oh mga nahibilin sa ilang patag,*Hangtod kanus-a ninyo samadsamaran ang inyong kaugalingon?+
6 Oh, ang espada ni Jehova!+
Hangtod kanus-a ka nga dili mopahulay?
Balik sa imong sakoban.
Pahulay ug paghilom.
7 Unsaon man pagpahulay niiniNga gisugo man kini ni Jehova?
Batok sa Askelon ug sa baybayon,+Didto niya kini gitudlo.”
Mga Footnote
^ Ang Creta.
^ Kiskisan nila ang ilang ulo tungod sa pagbangotan ug kaulaw.
^ O “ubos nga patag.”
