Oseas 12:1-14
12 “Ang Epraim naghakop ug hangin.
Tibuok adlaw siyang naggukod sa hanging sidlakan.
Gipadaghan niya ang iyang kabakakan ug kapintasan.
Sila nakigsaad sa Asirya+ ug nagdalag lana sa Ehipto.+
2 Si Jehova dunay kaso batok sa Juda;+Papanubagon niya ang Jacob sumala sa iyang gipangbuhat,Ug silotan siya sumala sa iyang binuhatan.+
3 Sa didto pa sa tagoangkan gihawiran niya ang tikod sa iyang igsoon,+Ug sa tibuok niyang kusog nakiglayog* siya sa Diyos.+
4 Padayon siyang nakiglayog sa anghel ug nagmadaogon.
Siya mihilak ug nangayog panalangin.”+
Nakit-an siya sa Diyos didto sa Bethel, ug ang Diyos nakigsulti bahin kanamo,+
5 Si Jehova ang Diyos sa kasundalohan,+Siya angayng hinumdoman sa ngalang Jehova.+
6 “Busa balik sa imong Diyos,+Hupti ang maunongong gugma ug hustisya,+Ug laom kanunay sa imong Diyos.
7 Apan ang mga negosyante nagdalag tikasan nga timbangan;Ganahan silang manglimbong.+
8 Ang Epraim nagsigeg ingon, ‘Sa tinuod, dato na ko;+Nakabaton kog bahandi.+
Ug sa akong paghago, wala silay makitang sayop o sala.’
9 Apan ako si Jehova nga imong Diyos sukad* pa sa Ehipto.+
Papuy-on ka nako pag-usab sa mga toldaSama sa mga adlaw sa gitakdang panahon.*
10 Ako nakigsulti sa mga propeta,+Gipadaghan nako ang ilang panan-awon,Ug nagsulti kog mga sambingay pinaagi sa mga propeta.
11 Sa Gilead dunay panglimbong*+ ug kabakakan.
Sa Gilgal sila naghalad ug mga torong baka,+Ug ang ilang mga halaran samag mga tapok sa bato diha sa gidaro nga uma.+
12 Si Jacob miikyas ngadto sa teritoryo sa Aram;*+Nag-alagad didto si Israel+ aron makapangasawa,+Nagbantay siyag mga karnero aron makapangasawa.+
13 Pinaagi sa usa ka propeta gipagawas ni Jehova ang Israel sa Ehipto,+Ug siya gibantayan pinaagi sa usa ka propeta.+
14 Ang Epraim nakapasuko pag-ayo sa Diyos;+Ang iyang pagkasad-an sa dugo nagpabilin kaniya;Silotan siya sa iyang Ginoo tungod sa iyang pagpakaulaw.”+