Oseas 13:1-16
13 “Dihang ang Epraim mosulti, ang mga tawo mangurog;Siya prominente sa Israel.+
Apan siya nakasala tungod sa pagsimba kang Baal+ ug namatay.
2 Karon gidugangan nila ang ilang salaUg naghimo silag metal* nga mga estatuwa gikan sa ilang plata;+Hanas silang mohimog mga idolo, nga ang tanan hinimo sa mga artesano.*
Bahin niini sila miingon, ‘Pahaloka sa mga nating baka ang mga tawong naghalad.’+
3 Busa sila mahisama sa gabon,Sama sa yamog nga mawala ra dayon,Samag tahop sa giokanan nga gipalid sa bagyo,Ug samag aso nga migawas sa panghaw sa atop.
4 Apan ako si Jehova nga imong Diyos sukad* pa sa Ehipto;+Nahibalo mo nga wala nay Diyos gawas kanako,Ug gawas kanako wala nay manluluwas.+
5 Giatiman mo nako sa kamingawan,+ sa yuta nga umaw.
6 Nabusog sila sa ilang sibsibanan,+Nabusog sila ug nahimong mapahitas-on.
Mao nga sila nalimot nako.+
7 Ako mahisamag batang leyon kanila.+
Samag leopardo nga nagpahipi sa dalan nga andam moatake.
8 Samag oso nga nawad-ag mga anak, atakehon nako sila,Ug laksion nako ang ilang dughan.*
Samag leyon, lamyon nako sila didto;Kuniskunison sila sa bangis nga mananap sa kapatagan.
9 Kini maglaglag kanimo, Oh Israel,Kay ikaw mitalikod kanako, sa imong magtatabang.
10 Asa na man ang imong hari, aron luwason ka niya sa tanan nimong siyudad,+Ug ang imong mga magmamando,* nga bahin kanila ikaw miingon,‘Hatagi kog hari ug mga prinsipe’?+
11 Sa akong kasuko gihatagan ti kag hari,+Ug sa akong dakong kapungot kuhaon nako siya.+
12 Ang kasaypanan sa Epraim giputos;*Ang iyang sala gitipigan.
13 Maagoman niya ang kaul-ol sa pagpanganak.
Apan siya maoy dili maalamong anak;Dihang ipanganak na siya, dili siya gustong mogawas sa tagoangkan.
14 Tubson nako ang akong katawhan gikan sa gahom sa Lubnganan;*Bawion nako sila gikan sa kamatayon.+
Asa na ang imong mga ikot, Oh Kamatayon?+
Asa na ang imong pagkamalaglagon, Oh Lubnganan?+
Apan dili ko magpakitag kaluoy.
15 Bisan pag molabong siya samag tangbo,*Moabot ang hanging sidlakan, ang hangin ni Jehova.
Kini mohuros gikan sa kamingawan, aron pahubson ang iyang atabay ug tubod.
Kuhaon niini ang tanang bililhong butang sa iyang tipiganag bahandi.+
16 Ang Samaria manubag sa iyang sala,+ kay siya mirebelde sa iyang Diyos.+
Sila mapukan pinaagi sa espada,+Ang ilang mga anak dugmokon,Ug ang tiyan sa ilang mga babayeng mabdos laslason.”
Mga Footnote
^ O “hinulma.”
^ Hanas sa paghimog mga butang.
^ O “gikan.”
^ Literal, “habolhabol sa ilang kasingkasing.”
^ Literal, “maghuhukom.”
^ O “gipreserbar.”