Oseas 5:1-15
-
Epraim ug Juda gihukman (1-15)
5 “Paminaw, kamong mga saserdote,+Tagda kini, Oh panimalay ni Israel,Paminaw, Oh balay sa hari,Kay kamo pagahukman;Kay kamo maoy bitik sa MizpaUg pukot ibabaw sa Tabor.+
2 Kadtong mirebelde* nagpatuyang* sa pagpamatay,Ug ako nagpasidaan* kanilang tanan.
3 Ako nakaila kang Epraim,Ug ang Israel walay matago kanako.
Kay karon, Oh Epraim, ikaw nagpatuyang sa pagpakighilawas;*Gihugawan sa Israel ang iyang kaugalingon.+
4 Ang ilang binuhatan nakapugong nila sa pagbalik sa ilang Diyos,Kay dunay espiritu sa prostitusyon* diha kanila;+
Ug wala nila ilha si Jehova.
5 Ang garbo sa Israel nagpamatuod batok sa iyang kaugalingon;*+Ang Israel ug ang Epraim napandol sa ilang kasaypanan,Ug ang Juda napandol uban kanila.+
6 Ilang pangitaon si Jehova uban sa ilang mga karnero ug mga baka,Apan dili nila siya makit-an.
Siya mipalayo kanila.+
7 Nagluib sila kang Jehova,+Kay sila nakabaton ug langyaw nga mga anak.
Sulod sa usa ka bulan sila ug ang ilang katigayonan* pagalamyon.
8 Patingoga ang budyong+ sa Gibea, ug ang trompeta sa Rama!+
Pagsinggit mog singgit sa pagpakiggubat sa Bet-aven+—sunod nimo, Oh Benjamin!
9 Oh Epraim, makalilisang ang mahitabo kanimo sa adlaw sa pagsilot.+
Gipahibalo na nako sa mga tribo sa Israel kon unsa gyoy mahitabo.
10 Ang mga prinsipe sa Juda nahisama niadtong nagasibog sa utlanan* sa ilang yuta.+
Ibubo nako kanila ang akong kasuko sama sa tubig.
11 Ang Epraim gisakit ug makataronganong gidugmok,Kay siya nakig-alyansa sa iyang kaaway.+
12 Busa sama kog nagapangdaot nga insekto ngadto sa EpraimUg sama sa pagkadunot sa kahoy ipahinabo nako nga madunot ang Juda.
13 Dihang nakita sa Epraim ang iyang sakit, ug sa Juda ang iyang kabahong,Ang Epraim miadto sa Asirya+ ug nagpatabang sa gamhanang hari.
Apan wala siya makaayo kaninyo,Ug dili niya matambalan ang inyong kabahong.
14 Kay ako mahisamag batang leyon sa Epraim,Ug kusgang leyon* sa panimalay ni Juda.
Ako mismo ang magkuniskunis kanila ug ako molakaw;+Dad-on nako sila sa layo, ug walay moluwas kanila.+
15 Ako silang biyaan ug mobalik ko sa akong lugar hangtod nga mabayran nila ang ilang sala,Unya pangitaon nila ang akong pag-uyon.*+
Dihang naa sila sa kalisdanan, sila mangita kanako.”+
Mga Footnote
^ O “mibiya kanako.”
^ O “nalangkit pag-ayo.”
^ O “magdisiplina.”
^ O “naghimog imoralidad; naghimog prostitusyon.”
^ O “pagkaimoral; pagkamakihilawason.”
^ Literal, “nawong.”
^ O “kaumahan.”
^ O “mohon.”
^ O “Ug may lambungay nga batang leyon.”
^ Literal, “nawong.”
