Oseas 9:1-17
9 “Ayaw pagsadya, Oh Israel,+Ayaw paglipay sama sa mga katawhan.
Kay pinaagi sa prostitusyon* ikaw mibulag sa imong Diyos.+
Gitinguha nimo ang suhol sa imong pagpakighilawas nga imong nadawat gikan sa tanang giokanag lugas.+
2 Apan ang giokanan dili magtaganag pagkaon kanila,Ug ang pug-anag bino dili mohatag ug bag-ong bino.+
3 Dili sila magpadayon sa pagpuyo sa yuta ni Jehova;+Ang Epraim mobalik sa Ehipto,Ug sa Asirya mokaon silag hugaw.+
4 Dili na sila maghalad ug bino kang Jehova;+Ang ilang mga halad dili makapalipay kaniya.+
Sama kini sa tinapay panahon sa pagbangotan;Ang tanang mokaon niini maghugaw sa ilang kaugalingon.
Kay ang ilang tinapay para lang sa ilang kaugalingon;Dili kini dalhon sa balay ni Jehova.
5 Unsay inyong buhaton sa adlaw sa panagkatigom,*Sa adlaw sa pista ni Jehova?
6 Kay sila mangalagiw tungod sa kalaglagan.+
Ang Ehipto magtigom kanila,+ ug ang Mempis maglubong kanila.+
Ang tunokong mga sagbot motabon sa ilang bililhong mga butang nga hinimo sa plata,Ug ang ilang mga tolda tuboag tunokong mga tanom.
7 Moabot ang mga adlaw sa pagsusi,+Maingon man ang mga adlaw sa pagsilot,Ug ang Israel mahibalo niini.
Ang ilang propeta mahimong buangbuang, ug kadtong nangangkon nga nagsulti sa mensahe sa Diyos mapungot;Tungod sa kadaghan sa inyong sala, dako ang kapungot batok kaninyo.”
8 Kaniadto ang tigbantay+ sa Epraim nag-uban sa Diyos.+
Apan karon ang tanang dalan sa iyang mga propeta+ nahisamag mga bitik sa tiglit-ag ug langgam;Adunay kapungot sa balay sa iyang Diyos.
9 Sila nagpatuyang sa ilang binuhatan nga moresultag kadaot, sama sa mga adlaw sa Gibea.+
Iyang hinumdoman ang ilang kasaypanan ug silotan sila sa ilang mga sala.+
10 “Nakaplagan nako ang Israel nga samag mga ubas sa kamingawan.+
Sama sa unang pagpamunga sa linghod nga kahoyng igos nakita nako ang inyong mga katigulangan.
Apan nangadto sila kang Baal sa Peor;+Gipahinungod nila ang ilang kaugalingon sa makauulaw nga diyos,+Ug sila nahimong dulumtanan sama sa butang nga ilang gihigugma.
11 Ang himaya sa Epraim milupad sa layo sama sa langgam;Walay pagpanganak, walay pagmabdos, ug walay pagpanamkon.+
12 Bisan pag magpadako silag mga anak,Ipahinabo nako nga mamatay ang ilang mga anak hangtod nga wala nay mabilin;+Oo, alaot sila dihang ako motalikod kanila!+
13 Alang kanako ang Epraim, nga gitanom sa sibsibanan, sama sa Tiro;+Karon ang Epraim magdala sa iyang mga anak ngadto sa kamatayon.”
14 Ihatag kanila, Oh Jehova, ang angay nimong ihatag kanila;Tagoangkan nga pirmeng makuhaan, ug mga suso nga walay gatas.
15 “Gihimo nila sa Gilgal ang tanan nilang pagkadaotan,+ busa didto gidumtan nako sila.
Abogon nako sila gikan sa akong balay tungod sa ilang daotang binuhatan.+
Dili na nako sila higugmaon;+Masinupakon ang tanan nilang prinsipe.
16 Ang Epraim pagahampakon.+
Ang ilang gamot mauga, ug dili na sila mamunga.
Bisan pag manganak sila, patyon nako ang ilang pinalanggang liwat.”
17 Isalikway sila sa akong Diyos,Kay wala sila mamati kaniya,+Ug sila mahimong mga kagiw* sa kanasoran.+
Mga Footnote
^ O “imoralidad; pagkamakihilawason.”
^ O “sa inyong gitakdang pista.”
^ O “sila matibulaag.”
