Proverbio 13:1-25
13 Ang anak nga maalamon modawat sa disiplina sa iyang amahan,+Apan ang mabiaybiayon dili maminaw sa pagbadlong.*+
2 Ang maayong ginasulti sa usa ka tawo makahatag niyag kaayohan,+Apan ang gitinguha sa traydor mao ang kapintasan.
3 Ang nagbantay sa iyang baba* nanalipod sa iyang kinabuhi,+Apan ang dili magpugong sa iyang baba masugamak sa kadaot.+
4 Ang tapolan nangandoy, apan wala siyay bisan unsa,+Apan ang kugihan matagbaw gyod.*+
5 Ang matarong nagdumot sa bakak,+Apan ang ginabuhat sa daotan moresultag kaulawan.
6 Ang pagkamatarong manalipod sa inosente,+Apan ang pagkadaotan magpukan sa makasasala.
7 Naay nagpakaaron-ingnong dato, pero walay bisan unsa;+Naay nagpakaaron-ingnong pobre, pero dato kaayo.
8 Ibayad sa dato ang iyang bahandi aron maluwas ang iyang kinabuhi,+Apan walay manghulga sa* pobre.+
9 Ang suga sa matarong hayag kaayo,*+Apan ang lampara sa daotan palongon.+
10 Ang pagpangahas moresulta rag away,+Apan maalamon ang mangayog tambag.*+
11 Ang bahandi nga dali ra kaayong nakuha* mogamay,+Apan ang bahandi nga gianam-anam pagtigom* modaghan.
12 Ang gidahom* nga malangan makapasakit sa kasingkasing,+Apan ang tinguha nga matuman maoy kahoy sa kinabuhi.+
13 Ang nagtamay sa instruksiyon* mag-antos sa daotang resulta,+Apan ang nagtahod sa sugo magantihan.+
14 Ang gitudlo* sa maalamon maoy tuboran sa kinabuhi+Aron ilikay ang usa ka tawo gikan sa mga lit-ag sa kamatayon.
15 Ang may lawom nga pagsabot uyonan sa uban,Apan ang dalan sa mga traydor lisod kaayo.
16 Ang maalamon molihok base sa kahibalo,+Apan ipadayag sa buangbuang ang iyang kaugalingong mga kabuang.+
17 Ang daotang mensahero masugamak sa kadaot,+Apan ang matinumanong mensahero makaayo.+
18 Ang nagsalikway sa disiplina mapobre ug maulawan,Apan ang mopatuo kon badlongon* pasidunggan.+
19 Lami kaayo kon ang gitinguha matuman,+Apan ang buangbuang dili gustong mopalayo sa daotan.+
20 Ang naglakaw uban sa mga maalamon mahimong maalamon,+Apan ang makig-uban sa mga buangbuang masugamak sa kadaot.+
21 Gukdon sa katalagman ang mga makasasala,+Apan maayo ang ganti sa matarong.+
22 Ang maayong tawo magbilin ug panulondon para sa iyang mga apo,Apan ang bahandi sa makasasala tipigan para sa matarong.+
23 Ang dinaro nga uma sa pobre magpatunghag daghang pagkaon,Apan mahimong maanod kini* tungod sa kawalay-hustisya.
24 Ang nagpugong sa iyang bunal* nagdumot sa iyang anak,+Apan ang nahigugma sa iyang anak magpahamtang gyod* ug disiplina.+
25 Ang matarong mokaon ug matagbaw,+Apan ang tiyan sa daotan magkutoy.+
Mga Footnote
^ O “pagtul-id.”
^ O “ginasulti.”
^ Literal, “patambokon.”
^ Literal, “dili makadungog ug pagbadlong ang.”
^ Literal, “naglipay.”
^ O “nagkonsultahay.”
^ O “nga gikan sa pagpanikas.”
^ Literal, “gitigom sa kamot.”
^ O “paglaom.”
^ O “pulong.”
^ O “balaod.”
^ O “tul-iron.”
^ O “siya.”
^ O “disiplina; silot.”
^ O posible, “dayon.”
