Proverbio 28:1-28
28 Ang daotan modagan bisag walay naggukod,Apan ang matarong sama ka isog sa leyon.*+
2 Dihang morebelde* ang mga nagpuyo sa usa ka yuta, ang prinsipe niini pirmeng ilisan,+Apan sa tabang sa tawo nga may pagsabot ug kahibalo, ang prinsipe* magdugay.+
3 Ang pobre nga manglimbong sa tawong makaluluoy+Samag ulan nga mobanlas sa tanang pagkaon.
4 Kadtong wala magtuman sa balaod nagdayeg sa mga daotan,Apan kadtong nagtuman sa balaod nasuko kanila.+
5 Ang mga tawong daotan dili makasabot sa hustisya,Apan kadtong nangita kang Jehova makasabot sa tanang butang.+
6 Maayo pa ang pobre nga naglakaw nga may integridadKay sa dato nga nagsubay sa daotang dalan.+
7 Ang anak nga may pagsabot nagtuman sa balaod,Apan ang nakig-uban sa mga hangol ug pagkaon nagpakaulaw sa iyang amahan.+
8 Kadtong nagpadaghan sa iyang bahandi pinaagig tubo+ ug dakong interesNagtigom niini para niadtong nagpakitag kaluoy sa mga pobre.+
9 Kadtong dili maminaw sa balaod—Bisan ang iyang pag-ampo dulumtanan.+
10 Kadtong nagpahisalaag sa tawong matarong ngadto sa daotang dalan maunay sa iyang lit-ag,+Apan ang dili salawayon gantihan ug maayo.+
11 Ang dato naghunahuna nga maalamon siya,+Apan ang pobre nga may pagsabot nahibalo kon kinsa gyod ang maong tawo.+
12 Dihang modaog ang matarong, dunay dakong himaya,Apan dihang ang daotan maoy magmando, manago ang mga tawo.+
13 Siya nga nagatabon sa iyang mga sala dili molampos,+Apan kadtong motug-an sa iyang mga sala ug mobiya niini kaluy-an.+
14 Malipayon ang tawo nga kanunayng nagbantay,*Apan kadtong nagpagahi sa iyang kasingkasing makaagom ug katalagman.+
15 Ang daotang tawo nga nagmando sa makaluluoy nga katawhanSamag nagngulob nga leyon ug nagahasmag nga oso.+
16 Ang pangulo nga walay pagsabot moabuso sa iyang gahom,+Apan kadtong nagdumot sa pagbatog bahandi sa daotang paagi magpataas sa iyang kinabuhi.+
17 Ang tawong nakapatay moikyas hangtod sa lubnganan.*+
Ayaw siyag tabangi.
18 Kadtong nagkinabuhi nga dili salawayon maluwas,+Apan kadtong daotag pagkinabuhi kalit nga malaglag.+
19 Kadtong nagtikad sa iyang yuta makabaton ug daghang tinapay,Apan kadtong nangagpas sa way pulos nga mga butang mapobre.+
20 Ang tawong matinumanon makadawat ug daghang panalangin,+Apan kadtong nagdali nga madato dili magpabiling inosente.+
21 Dili maayo nga magpihigpihig;+Apan ang tawo posibleng mohimog daotan tungod lang sa usa ka tinapay.
22 Ang tawong masinahon* naghinamhinam nga makabatog bahandi,Apan wala siya mahibalo nga mapobre siya.
23 Kadtong nagabadlong+ mas pasalamatan sa ulahi+Kay sa tawong nagaulog-ulog.
24 Kadtong nagapangawat sa iyang amahan ug inahan ug moingon: “Dili ni sayop,”+Maoy kauban sa tulisan.+
25 Ang tawong hakog* nagapahinabog away,Apan kadtong nagasalig kang Jehova mouswag.*+
26 Kadtong nagasalig sa iyang kasingkasing buangbuang,+Apan kadtong naglakaw sa kaalam makaikyas.+
27 Kadtong mohatag sa mga pobre dili makulangan,+Apan kadtong nagpiyong sa iyang mga mata kanila makadawat ug daghang tunglo.
28 Dihang ang mga daotan maoy magmando, ang tawo motago,Apan dihang sila mawala, ang matarong modaghan.+
Mga Footnote
^ O “batang leyon.”
^ O “molapas sa balaod.”
^ O “siya.”
^ O “mahadlok.”
^ O “gahong.”
^ O “hakog.”
^ O posible, “Ang aroganteng kalag.”
^ Literal, “patambokon.”
