Salmo 103:1-22
Salmo ni David.
103 Dayegon nako si Jehova;Dayegon sa akong tibuok nga pagkatawo ang iyang balaang ngalan.
2 Dayegon nako si Jehova;Hinaot dili gayod nako malimtan ang tanan niyang gibuhat.+
3 Siya nagpasaylo sa tanan nakong kasaypanan+Ug nag-ayo sa tanan nakong balatian;+
4 Siya nagluwas sa akong kinabuhi gikan sa gahong*+Ug gikoronahan ko niya sa iyang maunongong gugma ug kaluoy.+
5 Siya nagtagbaw kanako sa maayong mga butang+ sa tibuok nakong kinabuhi,Aron magpabilin kong batan-on ug baskog sama sa agila.+
6 Si Jehova molihok uban ang pagkamatarong+ ug hustisyaAlang sa tanang dinaogdaog.+
7 Gipahibalo niya kang Moises ang iyang mga dalan,+Ang iyang mga buhat ngadto sa mga anak ni Israel.+
8 Si Jehova maluluy-on ug mabination,*+Dili daling masuko ug dagaya sa maunongong gugma.*+
9 Dili niya padayong hinumdoman ang kasaypanan,+Ug dili siya maghambin ug kayugot hangtod sa hangtod.+
10 Wala siya magpahamtang kanatog silot sumala sa atong kasal-anan,+Ug wala niya kita paningli sumala sa kon unsay angay sa atong kasaypanan.+
11 Kay sama nga ang kalangitan mas taas kay sa yuta,Dako usab kaayo ang iyang maunongong gugma alang niadtong mga nahadlok kaniya.+
12 Sama ka layo sa sidlakan gikan sa kasadpan,Ingon usab niana ka layo nga gibutang niya ang atong kalapasan gikan kanato.+
13 Sama sa usa ka amahan nga nagpakitag kaluoy sa iyang mga anak,Si Jehova nagpakitag kaluoy niadtong mga nahadlok kaniya.+
14 Kay nahibalo siya pag-ayo sa atong pagkaumol,+Ug ginahinumdoman niya nga kita abog.+
15 Kon bahin sa tawo, ang iyang mga adlaw sama nianang sa balili;+Siya molambo samag bulak sa kapatagan.+
16 Apan dihang mohuros ang hangin, kini mahanaw,Nga daw wala kini maglungtad didto.*
17 Apan ang maunongong gugma ni Jehova maoy hangtod sa hangtodAlang niadtong mga nahadlok kaniya,+Ug ang iyang pagkamatarong ngadto sa mga anak sa ilang mga anak,+
18 Alang niadtong mga nagtuman sa iyang pakigsaad+Ug niadtong nagsunod pag-ayo sa iyang mga sugo.
19 Lig-ong gitukod ni Jehova ang iyang trono sa kalangitan;+Ug siya nagmando sa tanang butang.+
20 Dayega si Jehova, kamong tanan niyang anghel,+ nga gamhanan kaayo,Kinsa nagtuman sa iyang pulong+ ug nagsunod sa iyang tingog.*
21 Dayega si Jehova, kamong tanan niyang panon,+Mga alagad niya nga nagbuhat sa iyang kabubut-on.+
22 Dayega si Jehova, kamong tanan nga iyang gibuhat,Sa tanang dapit nga iyang gimandoan.*
Ang akong tibuok nga pagkatawo magadayeg kang Jehova.
Mga Footnote
^ O “lubnganan.”
^ O “mapuangoron.”
^ O “mahigugmaong kalulot.”
^ Literal, “Ug wala na kini mailhi sa dapit niini.”
^ Literal, “ug namati sa tingog sa iyang pulong.”
^ O “Sa tanang dapit sa iyang pagkasoberano.”
