Salmo 148:1-14
148 Dayega si Jah!*
Dayega si Jehova, kamong anaa sa kalangitan;+Dayega siya, kamong anaa sa kahitas-an.
2 Dayega siya, kamong tanan niyang anghel.+
Dayega siya, kamong tanan niyang panon.+
3 Dayega siya, Oh adlaw ug bulan.
Dayega siya, kamong tanang nagsidlak nga kabituonan.+
4 Dayega siya, Oh kinatas-ang kalangitan*Ug katubigan ibabaw sa kalangitan.
5 Ipadayeg kanila ang ngalan ni Jehova,Kay siya nagsugo, ug nalalang sila.+
6 Gihimo niya sila nga molungtad hangtod sa kahangtoran;+Naghatag siyag mando nga dili gayod mahanaw.+
7 Dayega si Jehova, kamong anaa sa yuta,Kamong dagkong linalang sa dagat ug kamong tanang anaa sa lawom nga katubigan,
8 Kamong kilat ug ulan nga yelo, niyebe ug bagang mga panganod,Kamong unos, nga nagtuman sa iyang pulong,+
9 Kamong kabukiran ug kamong tanang kabungtoran,+Kamong kahoy nga nagapamunga ug kamong tanang sedro,+
10 Kamong ihalas nga kahayopan+ ug kamong tanang anad nga kahayopan,Kamong mga nagakamang nga linalang ug mga kalanggaman,
11 Kamong mga hari sa yuta ug kamong tanang kanasoran,Kamong mga prinsipe ug kamong tanang maghuhukom sa yuta,+
12 Kamong mga batan-ong lalaki ug babaye,*Mga tigulang ug kabataan.*
13 Ipadayeg kanila ang ngalan ni Jehova,Kay ang iyang ngalan lamang ang kinalabwan.+
Ang iyang kahalangdon labaw pa sa yuta ug sa langit.+
14 Bayawon niya ang kusog* sa iyang katawhan,Alang sa kadayeganan sa tanang maunongon kaniya,Sa mga anak ni Israel, ang katawhan nga suod kaniya.
Dayega si Jah!*
Mga Footnote
^ O “Aleluya!” “Jah” ang pinamubo sa ngalang Jehova.
^ Literal, “mga langit sa kalangitan.”
^ Literal, “mga ulay.”
^ O “Kauban ang mga tigulang nga lalaki ug bata.”
^ Literal, “sungay.”
^ O “Aleluya!” “Jah” ang pinamubo sa ngalang Jehova.
