Salmo 31:1-24
Ngadto sa direktor. Salmo ni David.
31 Kanimo midangop ko, Oh Jehova.+
Hinaot nga dili ko maulawan.+
Luwasa ko tungod sa imong pagkamatarong.+
2 Ikiling ang imong igdulungog* kanako.
Luwasa dayon ko.+
Hinaot nga mahimo kang bukid nga salipdanan alang kanako,Usa ka kuta sa pagluwas kanako.+
3 Kay ikaw ang akong dakong bato ug akong salipdanan;+Tungod sa imong ngalan,+ tultolan ko nimo ug giyahan.+
4 Ipahigawas ko nimo sa pukot nga sekreto nilang gibutang alang kanako,+Kay ikaw ang akong kuta.+
5 Itugyan nako sa imong kamot ang akong espiritu.+
Gitubos ko nimo, Oh Jehova, ang Diyos sa kamatuoran.*+
6 Gidumtan nako kadtong mga nagsimba sa walay pulos, kawang nga mga idolo,Apan ako nagasalig kang Jehova.
7 Magsadya ko pag-ayo sa imong maunongong gugma,Kay nakita nimo ang akong kasakitan;+Nasayod ka sa akong grabeng kagul-anan.
8 Wala ko nimo itugyan sa kaaway,Apan gipatindog ko nimo sa luwas* nga dapit.
9 Pakitai kog kaluoy, Oh Jehova, kay anaa ko sa kalisdanan.
Tungod sa kagul-anan, nangluyloy ang akong mga mata+ ug naluya ang akong tibuok lawas.+
10 Ang akong kinabuhi punog kasub-anan+Ug ang akong mga tuig punog pag-agulo.+
Ang akong kusog nagakawala tungod sa akong kasaypanan;Ang akong mga bukog nagkagabok.+
11 Gitamay ko sa tanan nakong kaaway,+Ilabina sa akong mga silingan.
Gikalisangan ko sa akong mga kaila;Mopalayo sila kanako dihang makita ko nila.+
12 Giwala ko nila sa ilang kasingkasing* ug gikalimtan, nga daw patay na ko;Nahisama kog buak nga banga.
13 Nakadungog kog daghang dili maayong hulungihong;Dihay makapalisang sa akong palibot.+
Dihang sila magtigom batok kanako,Sila magplano sa pagkuha sa akong kinabuhi.+
14 Apan nagasalig ko kanimo, Oh Jehova.+
Ako mipahayag: “Ikaw ang akong Diyos.”+
15 Ang akong mga adlaw* anaa sa imong kamot.
Luwasa ko gikan sa kamot sa akong mga kaaway ug gikan sa mga nagalutos kanako.+
16 Pasidlaka ang imong nawong sa ibabaw sa imong alagad.+
Luwasa ko pinaagi sa imong maunongong gugma.
17 Oh Jehova, dili unta ko maulawan dihang motawag ko kanimo.+
Hinaot maulawan ang mga daotan;+Hinaot pahilomon sila sa Lubnganan.*+
18 Hinaot maamang ang bakakong mga ngabil,+Ang mga ngabil nga nagsulting mapahitas-on ug may pagtamay batok sa matarong.
19 Pagkadagaya sa imong pagkamaayo!+
Imo kining gitipigan alang niadtong mga nahadlok kanimo,+Ug imo kining gipakita sa tanang tawo, alang niadtong mga midangop kanimo.+
20 Imo silang tipigan sa imong natagong dapit+Gikan sa mga plano sa mga tawo batok kanila;Imo silang tagoan sa imong silongananGikan sa mga pagpangdaot.*+
21 Madayeg unta si Jehova,Kay sa katingalahang paagi, gipakita niya ang iyang maunongong gugma kanako+ dihang didto ko sa gilikosang siyudad.+
22 Sa akong bahin, nalisang ko ug miingon:
“Malaglag ko sa imong atubangan.”+
Apan gidungog nimo ang akong mga pakiluoy kanimo alang sa tabang.+
23 Higugmaa si Jehova, kamong tanan nga maunongon kaniya!+
Panalipdan ni Jehova ang mga matinumanon,+Apan pahamtangan niyag grabeng silot si bisan kinsa nga nagmapahitas-on.+
24 Magmaisogon, ug hinaot magmalig-on ang inyong kasingkasing,+Kamong tanan nga naghulat kang Jehova.+
Mga Footnote
^ O “Yuko ug pamati.”
^ O “ang matinumanong Diyos.”
^ O “luag.”
^ O “hunahuna.”
^ Literal, “panahon.”
^ Literal, “Gikan sa panaglalis sa mga dila.”
