Salmo 76:1-12
Ngadto sa direktor; duyogan sa dekuwerdas nga mga instrumento. Salmo ni Asap.+ Usa ka awit.
76 Ang Diyos nailhan sa Juda;+Sa Israel ang iyang ngalan bantogan.+
2 Ang iyang pahulayanan atua sa Salem,+Ug ang iyang puloy-anan atua sa Zion.+
3 Didto gibali niya ang nagdilaab nga mga udyong sa busogan,Ang taming ug ang espada ug ang mga hinagiban sa gubat.+ (Selah)
4 Midan-ag ka pag-ayo;*Mas mahimayaon ka kay sa mga bukid nga ginapangayaman.
5 Ang mga isog gipang-agawan.+
Sila nakatulog;Ang tanang manggugubat walay nahimo.+
6 Tungod sa imong pagbadlong, Oh Diyos ni Jacob,Ang magkakaro ug ang kabayo nahinanok.+
7 Ikaw lamang ang kahadlokan.+
Kinsay makabarog sa imong dakong kasuko?+
8 Gikan sa langit gipahayag nimo ang paghukom;+Ang yuta nahadlok ug naghilom+
9 Dihang mitindog ang Diyos aron mohukom,Aron luwason ang tanang maaghop* sa yuta.+ (Selah)
10 Kay ang grabeng kasuko sa tawo maghatag kanimog kadayeganan;+Ang nahibilin sa ilang grabeng kasuko imong idayandayan sa imong kaugalingon.
11 Panaad mo kang Jehova nga inyong Diyos ug tumana kana,+Ang tanang anaa sa iyang palibot padad-ag gasa uban ang kahadlok.+
12 Iyang ipaubos ang garbo* sa mga pangulo;Tungod kaniya ang mga hari sa yuta mangahadlok.
