Salmo 78:1-72
-
Ang pag-atiman sa Diyos ug ang kawalay-pagtuo sa Israel
Maskil.* Salmo ni Asap.+
78 Patalinghogi ang akong balaod,* Oh akong katawhan;Ikiling ang inyong igdulungog sa mga pulong sa akong baba.
2 Mosulti ko pinaagig panultihon.
Isaysay nako ang mga tigmo nga dugay na kanhi.+
3 Ang mga butang nga atong nadungog ug nahibaloan,Nga giasoy kanato sa atong mga amahan,+
4 Dili nato itago sa ilang mga kaliwat;Iasoy nato sa moabot nga kaliwatan+
Ang dalayegong mga buhat ni Jehova ug ang iyang kusog,+Ang katingalahang mga butang nga iyang gihimo.+
5 Naghatag siyag pahinumdom kang JacobUg nagbutang ug balaod sa Israel;Gisugo niya ang atong mga katigulanganAron mahibaloan kini sa ilang mga anak,+
6 Aron nga ang mosunod nga kaliwatan,Ang mga anak nga ipakatawo pa lang, mahibalo niini.+
Sa baylo, iasoy usab nila kini sa ilang mga anak.+
7 Tungod niini, sila mosalig sa Diyos.
Dili nila malimtan ang mga buhat sa Diyos+Hinuon, tumanon nila ang iyang kasugoan.+
8 Unya dili sila mahisama sa ilang mga katigulangan,Gahig ulo ug rebelyoso nga kaliwatan,+Kaliwatan nga palingpaling* ug kasingkasing+Ug kansang espiritu dili matinumanon sa Diyos.
9 Ang mga Epraimnon armadog pana,Apan nangatras sila sa adlaw sa pagpakiggubat.
10 Wala nila tumana ang pakigsaad sa Diyos+Ug midumili sila sa pagsubay sa iyang balaod.+
11 Nakalimot usab sila sa iyang gipanghimo,+Sa iyang katingalahang mga buhat nga gipakita niya kanila.+
12 Naghimo siyag kahibulongang mga butang sa atubangan sa ilang mga katigulangan,+Sa yuta sa Ehipto, sa rehiyon sa Zoan.+
13 Gipikas niya ang dagat aron makalabang sila,Ug gipabarog niya ang katubigan nga samag paril.*+
14 Sa maadlaw, gitultolan niya sila pinaagig panganodUg sa tibuok gabii pinaagi sa kahayag sa kalayo.+
15 Gipikas niya ang mga bato sa kamingawan,Gipainom niya sila hangtod matagbaw nga daw miinom sila gikan sa lawom nga katubigan.+
16 Gipabuhagay niya ang tubig gikan sa dakong batoUg gipaagos niya ang tubig nga samag mga suba.+
17 Apan padayon silang nagpakasala kaniyaPinaagi sa pagrebelde sa Labing Hataas didto sa desyerto;+
18 Gihagit* nila ang Diyos diha sa ilang kasingkasing+Pinaagi sa pagpangayog pagkaon nga ilang gipangandoy.
19 Busa sila misulti batok sa Diyos,Nga nag-ingon: “Ang Diyos ba makahatag kanatog pagkaon* sa kamingawan?”+
20 Tan-awa! Gihapak niya ang batoAron mobuhagay ang mga tubig ug mobaha ang kasapaan.+
“Makahatag ba usab siya kanatog tinapay,O makatagana ba siyag karne alang sa iyang katawhan?”+
21 Pagkadungog ni Jehova kanila, siya nasuko pag-ayo;+Ang kalayo+ misilaob batok kang Jacob,Ug ang iyang kasuko miulbo batok sa Israel+
22 Kay wala sila magbutang ug pagtuo sa Diyos;+Wala sila mosalig sa iyang katakos sa pagluwas kanila.
23 Busa gisugo niya ang nagdag-om nga kalangitan,Ug gibuksan niya ang mga ganghaan sa langit.
24 Padayon siyang nagpaulan ug mana aron ilang makaon;Gihatagan niya silag lugas gikan sa langit.+
25 Ang mga tawo mikaon sa tinapay sa mga gamhanan;*+Gihatagan niya silag igong pagkaon aron mabusog.+
26 Gipahuros niya ang hanging sidlakan diha sa kalangitanUg gipahuros ang hanging habagat pinaagi sa iyang gahom.+
27 Ug nagpaulan siya kanilag karne nga sama ka daghan sa abog,Kalanggaman nga sama ka daghan sa balas sa baybayon.
28 Gipahagsa niya kini sa taliwala sa iyang kampo,Sa palibot sa iyang mga tolda.
29 Ug sila nangaon ug nagpabusdik,Gihatag niya kanila ang ilang gitinguha.+
30 Apan sa wala pa sila matagbaw,Samtang diha pa sa ilang baba ang ilang pagkaon,
31 Ang kapungot sa Diyos miulbo kanila.+
Gipatay niya ang kinakusgan nilang mga lalaki;+Gipukan niya ang mga batan-ong lalaki sa Israel.
32 Bisan pa niini, nagpakasala gihapon sila+Ug wala magbutang ug pagtuo sa iyang katingalahang mga buhat.+
33 Busa gitapos niya ang ilang mga adlaw nga daw kini gininhawa lamang,+Ug ang ilang katuigan pinaagig kalit nga mga kalisang.
34 Sa matag higayon nga gipatay niya ang pipila kanila, sila mangita kaniya;+Mamalik sila ug mangita sa Diyos,
35 Nga nahinumdom nga ang Diyos mao ang ilang Bato+Ug nga ang Diyos nga Labing Hataas mao ang ilang Manunubos.*+
36 Apan misulay sila sa paglimbong kaniya pinaagi sa ilang babaUg namakak sila kaniya pinaagi sa ilang dila.
37 Ang ilang kasingkasing dili maunongon kaniya;+Ug wala sila magmatinumanon sa iyang pakigsaad.+
38 Apan siya maluluy-on;+Gipasaylo* niya ang ilang mga sayop ug wala niya sila laglaga.+
Kanunay niyang gipugngan ang iyang kasuko+Imbes pasilaobon ang iyang kapungot.
39 Kay nahinumdom siya nga sila mga unod lamang,+Hangin nga mohuros ug dili na mobalik.*
40 Kanunay gyod silang mirebelde kaniya didto sa kamingawan+Ug kanunay nila siyang gipasakitan didto sa desyerto!+
41 Sublisubli nilang gisulayan ang Diyos,+Ug ilang gipaguol* ang Balaang Usa sa Israel.
42 Wala sila mahinumdom sa iyang gahom,*Sa adlaw nga giluwas* niya sila gikan sa kaaway,+
43 Kon giunsa niya pagpakita ang iyang mga ilhanan didto sa Ehipto+Ug ang iyang mga milagro sa rehiyon sa Zoan,
44 Ug kon sa unsang paagi niya gihimong dugo ang mga sapa nga gikan sa Nilo+Aron dili sila makainom gikan sa mga sapa niini.
45 Gipahugpa niya ang mga langaw aron paantoson sila+Ug ang mga baki aron magpahinabog kadaot kanila.+
46 Gipakaon niya ang ilang abot sa kusog mokaon nga mga dulon,Ang bunga sa ilang hinagoan sa nagpanon nga mga dulon.+
47 Gidaot niya ang ilang mga punoan sa ubas pinaagig ulan nga yelo+Ug ang ilang mga kahoyng sikomoro pinaagig ulan nga yelo.
48 Gitugyan niya ang ilang mga mananap nga kargahanan ug luwan ngadto sa ulan nga yelo+Ug ang ilang mga kahayopan ngadto sa mga kilat.*
49 Gipahamtang niya kanila ang iyang nagsilaob nga kasuko,Ang grabeng kasuko ug kapungot ug kasakitan.
Nagpadala usab siyag panon sa mga anghel nga nagpahinabog katalagman.
50 Gihawanan niya ang dalan alang sa iyang kasuko.
Wala niya sila luwasa gikan sa kamatayon;Ug gitugyan niya sila* ngadto sa kamatay.
51 Sa kataposan gipatay niya ang tanang panganay sa Ehipto,+Ang unang bunga sa ilang katakos sa pagsanay sa mga tolda ni Ham.
52 Unya gipagula niya ang iyang katawhan samag panon sa mga karnero+Ug gigiyahan sila samag panon didto sa kamingawan.
53 Gitultolan niya sila uban ang kasegurohan,Ug wala sila mobatig kahadlok;+Ang ilang mga kaaway gitabonan sa dagat.+
54 Ug gidala niya sila ngadto sa iyang balaang yuta,+Niining kabukiran nga naangkon sa iyang tuong kamot.+
55 Giabog niya ang kanasoran gikan sa ilang atubangan;+Gihatagan niya silag panulondon nga gibahinbahin pinaagig pisi nga pangsukod;+Gipapuyo niya ang mga tribo sa Israel sa ilang mga balay.+
56 Apan padayon nilang gihagit* ang Diyos nga Labing Hataas, ug mirebelde sila kaniya;+Wala nila hatagig pagtagad ang iyang mga pahinumdom.+
57 Mitalikod usab sila ug nagmaluibon sama sa ilang mga katigulangan.+
Dili sila kasaligan samag luag nga busogan.+
58 Padayon nila siyang gipasuko pinaagi sa ilang tag-as nga dapit,+Ug gipasuko nila siya pag-ayo* pinaagi sa ilang kinulit nga mga larawan.+
59 Nakita kini sa Diyos ug nasuko siya pag-ayo,+Busa bug-os niyang gisalikway ang Israel.
60 Sa kataposan gibiyaan niya ang tabernakulo sa Shilo,+Ang tolda nga iyang gipuy-an taliwala sa mga tawo.+
61 Gitugotan niya nga ang simbolo sa iyang kusog mabihag;Ang iyang kahalangdon ngadto sa kamot sa kaaway.+
62 Gitugyan niya ang iyang katawhan ngadto sa espada+Ug nasuko siya pag-ayo sa iyang panulondon.
63 Gilamoy sa kalayo ang iyang mga batan-ong lalaki,Ug walay gikanta nga mga awit sa kasal alang sa iyang mga dalaga.*
64 Ang iyang mga saserdote nangapukan pinaagi sa espada,+Ug ang ilang mga balo wala manghilak.+
65 Unya mimata si Jehova nga samag gikan sa pagkatulog,+Sama sa usa ka tawong gamhanan+ nga nakamata gikan sa pag-inom ug daghang bino.
66 Ug gipaatras niya ang iyang mga kaaway;+Gibutang niya sila sa walay kataposang kaulawan.
67 Gisalikway niya ang tolda ni Jose;Wala niya pilia ang tribo ni Epraim.
68 Apan gipili niya ang tribo ni Juda,+Ang Bukid sa Zion, nga iyang gihigugma.+
69 Gihimo niyang malungtaron ang iyang sangtuwaryo sama sa kalangitan,*+Sama sa yuta nga gihimo niya nga magpabilin hangtod sa hangtod.+
70 Gipili niya si David+ nga iyang alagadUg gikuha siya gikan sa mga toril sa karnero,+
71 Gikan sa pag-atiman sa mga bayeng karnero nga nagpasuso;Gihimo niya siyang magbalantay ni Jacob nga iyang katawhan,+Ug ni Israel nga iyang panulondon.+
72 Gibantayan niya sila uban ang integridad sa kasingkasing,+Ug gitultolan niya sila uban ang kabatid.+
Mga Footnote
^ O “instruksiyon.”
^ Literal, “dili andam.”
^ O “dam.”
^ Literal, “Gisulayan.”
^ Literal, “makaandam ug lamesa.”
^ O “anghel.”
^ O “Tigpanimalos.”
^ Literal, “Gitabonan.”
^ O posible, “Nga ang espiritu mogula ug dili na mobalik.”
^ O “gipasakitan.”
^ Literal, “kamot.”
^ Literal, “gitubos.”
^ O posible, “sa taas kaayong hilanat.”
^ Literal, “ang ilang kinabuhi.”
^ Literal, “gisulayan.”
^ O “giaghat nila siya nga mangabugho.”
^ Literal, “Ug ang iyang mga ulay wala dayega.”
^ Literal, “Gitukod niya ang iyang sangtuwaryo sama sa kahitas-an.”
