KRISTOHANONG PAGKINABUHI
Bag-ong Seksiyon Aron Makasugod sa Pagpakig-estorya
Sukad sa Enero 2016, ang kataposang panid sa publikong edisyon sa Bantayanang Torre may seksiyon nga “Unsay Giingon sa Bibliya?” Kining bag-ong seksiyon makatabang nato aron makasugod sa pagpakig-estorya bahin sa Bibliya. Kini parehog disenyo sa atong mga tract. Dunay pangutana, tekstong motubag niana, ug ubang punto nga puwedeng hisgotan.
Ang nindot nga pakig-estorya bahin sa Bibliya sagad moresultag Bible study. Gamita ang bag-ong seksiyon aron mas daghan pang gigutom sa espirituwal ang matabangan.—Mat 5:6.
KON UNSAON PAGGAMIT:
-
Pangutan-a ang tagbalay sa iyang tubag sa usa sa giimprentang mga pangutana
-
Paminaw ug pasalamati iyang tubag
-
Basaha ang teksto ubos sa “Ang Giingon sa Bibliya,” ug pangutan-a ang iyang opinyon bahin sa teksto. Kon okey ra niya, hisgoti ang punto ubos sa “Unsa pay Atong Makat-onan sa Bibliya?”
-
Itanyag ang magasin
-
Pakigsabot nga mobalik aron hisgotan ang ikaduhang pangutana