Sugod niining tuiga, mas daghan na tag panahon sa pagpangandam para sa Memoryal sa kamatayon sa Kristo. Kon ang Memoryal matunong ug weekday (Lunes-Biyernes), walay Tigom nga Kinabuhi ug Ministeryo nianang semanaha. Kon ang Memoryal matunong ug Sabado o Dominggo, walay himoong pakigpulong publiko ug Pagtuon sa Bantayanang Torre. Pahimuslan ba nimo kining dugang panahon? Sama sa unang siglo, kinahanglang himoon ang praktikal nga pagpangandam alang niining espesyal nga okasyon. (Luc 22:7-13; km 3/15 1) Pero angay sab natong andamon ang atong kasingkasing. Unsaon nato kana paghimo?

• Palandonga kon unsa ka importante ang pagtambong niini nga okasyon.​—1Co 11:23-26

• Pag-ampo ug hunahunaa ang imong relasyon kang Jehova.​—1Co 11:27-29; 2Co 13:5

• Basaha ug palandonga ang mga teksto ug publikasyon nga naghisgot bahin sa kahulogan sa Memoryal.​—Ju 3:16; 15:13

Basahon ug palandongon sa ubang magmamantala ang eskedyul sa pagbasa sa Bibliya sa Memoryal nga naa sa Pagsusi sa Kasulatan sa Adlaw-Adlaw. Basahon sa uban ang mga teksto nga naa sa tsart sa ubos. Repasohon sab sa uban ang mga artikulo sa Bantayanang Torre nga naghisgot sa Memoryal ug sa gugma nga gipakita ni Jehova ug ni Jesus kanato. Bisag unsay imong pilion, hinaot nga makatabang kana nga mas masuod ka kang Jehova ug sa iyang Anak.