Nahibalo si Jacob nga si Jehova ang angayng hatagan ug eksklusibong debosyon bisag wala pa Siya maghatag ug balaod batok sa idolatriya. (Ex 20:3-5) Busa human sultihi ni Jehova si Jacob nga mobalik sa Bethel, giingnan ni Jacob ang tanan niyang kauban nga isalikway ang ilang mga idolo. Dayon gilubong ni Jacob ang mga idolo, apil na ang mga ariyos, nga posibleng gigamit nila ingong anting-anting. (Gen 35:1-4) Seguradong nalipay si Jehova sa gihimo ni Jacob.

Sa atong panahon, sa unsang paagi mahatag nato kang Jehova ang eksklusibong debosyon? Una, likayan nato ang bisan unsa nga konektado sa idolatriya o espiritismo. Apil niini ang paglabay sa tanang butang nga konektado sa espiritismo ug pagsusig maayo sa atong kalingawan. Pananglitan, pangutan-a ang imong kaugalingon: ‘Malingaw ba ko sa mga libro o salida nga naay mga bampira, zombie, o gahomgahom? Ang ako bang kalingawan nagpakita nga ang madyik, panglamat, o panunglo makalingaw ug dili makadaot?’ Kinahanglang mopahilayo gyod ta sa bisan unsang butang nga gidumtan ni Jehova.​—Sal 97:10.

TAN-AWA ANG VIDEO NGA “SUKLI ANG YAWA,” DAYON TUBAGA ANG MOSUNOD NGA MGA PANGUTANA:

• Unsang problema ang giatubang sa Bible study nga si Palesa?

• Nganong maalamon nga mangayog tabang sa mga ansiyano sa mga kahimtang nga nalangkit ang espiritismo?

• Kon gusto tang proteksiyonan ni Jehova, unsang mga butang ang angay natong isalikway?

• Unsay gihimo ni Palesa?

• Sa inyong lugar, unsa ang pipila ka paagi nga malikayan ang impluwensiya sa demonyo?