KON NGANONG IMPORTANTE: Ang tanang publikasyon diha sa Teaching Toolbox nagdasig sa mga tawo nga ablihan ang jw.org. Gani, mao kini ang pangunang katuyoan sa contact card ug sa tract nga Asa Makita ang Tubag sa Importanteng mga Pangutana sa Kinabuhi? Magamit ang jw.org sa pag-place ug publikasyon nga naa sa atong Teaching Toolbox pinaagi sa pag-email ug electronic copy o pinaagi sa pag-share sa link. Makatabang kaayo ni kon ang imong gisangyawan lahig pinulongan. Lagmit duna poy pangutana ang mga tawo nga ang tubag wala diha sa Teaching Toolbox. Kon kabalo ta mogamit sa website, mas mahimo tang epektibo sa ministeryo.

KON UNSAON PAGHIMO:

• Gamita ang tab nga “GITUDLO SA BIBLIYA.” Ibutang ta nga nagsangyaw ka sa usa ka ginikanan nga gustog dugang impormasyon bahin sa pagpadakog anak. Ablihi ang GITUDLO SA BIBLIYA > KAMINYOON UG PAMILYA.

• Gamita ang tab nga “PUBLIKASYON.” Ibutang ta nga impormal kang nagsangyaw sa eskuylahan ug gusto nimong itanyag sa imong klasmet ang brosyur nga Tubag sa 10 ka Pangutana sa mga Batan-on. Ablihi ang PUBLIKASYON > LIBRO UG BROSYUR.

• Gamita ang tab nga “BAHIN KANAMO.” Ibutang ta nga nagsangyaw ka sa imong katrabaho nga gustog mubong eksplinasyon bahin sa atong tinuohan. Ablihi ang BAHIN KANAMO > KOMON NGA MGA PANGUTANA.

TAN-AWA ANG VIDEO NGA KON UNSAON PAGGAMIT ANG JW.ORG, UG DAYON HUNAHUNAA KON ASA NGA BAHIN SA WEBSITE ANG GAMITON SA PAGTABANG SA:

• tawong dili motuog Diyos

• tawong bag-o lang nabiktima sa trahedya

• dili aktibong igsoon

• balikduaw nga gustong mahibalo kon giunsa pagsuportar ang atong buluhaton

• tawo nga tagalaing nasod nga gustong motambong ug tigom sa iyang lugar