Gihalad ni Jesus ang iyang kinabuhi alang sa dili hingpit nga mga tawo. (Rom 5:8) Seguradong gipabilhan nato ang gugma nga gipakita ni Jesus​—ang paghalad sa iyang kinabuhi alang kanato. Pero usahay angay tingali natong pahinumdoman ang atong kaugalingon nga namatay usab ang Kristo alang sa atong mga igsoon. Sa unsang paagi nato ipakita ang samag Kristo nga gugma ngadto sa atong mga igsoon nga dili hingpit sama nato? Dunay tulo ka paagi. Una, higalaa sab ang mga tawo nga lahig kagikan. (Rom 15:7; 2Co 6:12, 13) Ikaduha, mag-amping ta sa atong sinultihan o binuhatan aron dili makapandol sa uban. (Rom 14:13-15) Ikatulo, kon dunay makasala nato, andam dayon ta sa pagpasaylo. (Luc 17:3, 4; 23:34) Kon maningkamot ta sa pagsundog kang Jesus niining paagiha, kanunayng panalanginan ni Jehova ug kalinaw ug panaghiusa ang kongregasyon.

TAN-AWA ANG VIDEO NGA MAHIMONG MAS MAAYONG KRISTOHANON!, UG DAYON TUBAGA ANG MOSUNOD NGA MGA PANGUTANA:

• Sa primero, unsay gibati ni Miki sa iyang kongregasyon?

• Unsay nakapausab sa iyang pagbati?

• Sa unsang paagi ang ehemplo ni Jesus nakatabang kang Miki nga usbon ang iyang panglantaw? (Mar 14:38)

• Nganong ang Proverbio 19:11 makatabang nato nga mahimong positibo ang atong panglantaw sa mga igsoon?