Nganong milingi man ang asawa ni Lot pagkalagiw nila gikan sa Sodoma? Walay gisulti ang Bibliya. (Gen 19:17, 26) Gipakita sa konteksto sa pasidaan ni Jesus nga lagmit gisayangan siya sa mga butang nga iyang gibiyaan. (Luc 17:31, 32) Unsay atong himoon aron dili mawala ang pag-uyon sa Diyos kanato sama sa nahitabo sa asawa ni Lot? Dili nato himoong prayoridad ang pagpangagpas ug materyal nga mga butang. (Mat 6:33) Si Jesus nag-ingon nga dili puwede nga kita “mahimong ulipon sa Diyos ug sa Bahandi.” (Mat 6:24) Pero unsay atong himoon kon atong mamatikdan nga giuna na nato ang materyal nga mga butang imbes ang espirituwal? Mag-ampo kang Jehova nga hatagan tag kaalam nga makita kon unsay angayng bag-ohon ug hatagan tag kusog ug kaisog aron mahimo kini.

TUBAGA ANG MOSUNOD NGA MGA PANGUTANA BAHIN SA VIDEO NGA HINUMDOMI ANG ASAWA NI LOT:

• Sa unsang paagi ang presyur nga mangitag dugang kuwarta nakaapekto sa panghunahuna, sinultihan, ug binuhatan ni Gloria?

• Nganong nagsilbing pasidaan kanato ang asawa ni Lot?

• Sa unsang paagi ang pagpadapat sa mga prinsipyo sa Bibliya nakatabang kang Joe ug sa iyang pamilya?

• Sa unsang paagi ang mga katrabaho ni Anna nakaapekto sa iyang espirituwalidad?

• Nganong nagkinahanglan tag kaisog dihang presyuron nga himoong prayoridad ang pagpangitag kuwarta?

• Sa unsang paagi nahimong prayoridad pag-usab ni Brian ug Gloria ang espirituwal nga mga butang?

• Unsang mga prinsipyo sa Bibliya ang imong nakat-onan niini nga video?