Sa iyang inspiradong sulat kang Tito, si apostol Pablo misulat nga ang mga batan-ong lalaki, apil si Tito, kinahanglang maningkamot nga mahimong ‘ehemplo sa maayong mga buhat sa tanang paagi.’ (Tit 2:6, 7) Dayon sa samang kapitulo, iyang gipasiugda nga gihinloan ang katawhan ni Jehova aron mahimong “dasig sa maayong mga buhat.” (Tit 2:14) Ang usa nianang maayong mga buhat mao ang pagsangyaw ug pagtudlo bahin sa Gingharian sa Diyos. Kon batan-on ka, puwede ba nimong gamiton ang imong kusog aron makaalagad ingong oksilyare o regular payunir?—Pr 20:29.

Kon gusto kang magpayunir, paghimog realistikong plano aron makab-ot kana. (Luc 14:28-30) Pananglitan, unsaon nimo pagsuportar sa pinansiyal ang imong kaugalingon samtang magpayunir? Unsaon nimo pagkab-ot sa gikinahanglang oras? Iampo kang Jehova ang imong situwasyon. (Sal 37:5) Isulti ngadto sa imong ginikanan ug sa malamposong mga payunir ang imong plano. Dayon paghimog mga lakang aron makab-ot ang imong tumong. Seguradong panalanginan ni Jehova ang imong kinasingkasing nga mga paningkamot sa pag-alagad kaniya!

TAN-AWA ANG VIDEO NGA MGA BATAN-ON NGA NAGPASIDUNGOG KANG JEHOVA, DAYON TUBAGA ANG MOSUNOD NGA MGA PANGUTANA:

• Unsay nakababag sa pipila ka batan-on sa pagpayunir, ug giunsa nila kana pagbuntog?

• Sa unsang paagi matabangan sa mga ginikanan ang ilang mga anak nga mahimong regular payunir?

• Nganong importante ang paghimog eskedyul sa pagsangyaw?

• Sa unsang paagi ang mga igsoon sa kongregasyon makadasig ug makatabang sa mga payunir?

• Unsay mga panalangin niadtong nagpayunir?