Sampol nga mga Presentasyon
PAGMATA!
Pangutana: Tanang tawo gustog maayong panglawas. Sa imong hunahuna, unsay atong himoon aron kita dili masakit?
Teksto: Pr 22:3
Pagtanyag: Kini nga isyu sa Pagmata! naghisgot kon unsay angay natong buhaton aron kita maproteksiyonan batok sa sakit.
ITUDLO ANG KAMATUORAN
Pangutana: Ang Diyos bay hinungdan sa atong pag-antos?
Teksto: Job 34:10
Kamatuoran: Ang Diyos dili maoy hinungdan sa atong pag-antos. Hinunoa, ang atong pag-antos naggikan sa Yawa, sa mga tawong naghimog sayop nga mga desisyon, ug usahay tungod kay naatol nga anaa kita sa dili hustong lugar ug sa dili hustong panahon. Dihang kita mag-antos, ang Diyos motabang kanato. Siya nagmahal nato.
NGANONG TUN-AN ANG BIBLIYA? (Video)
Pangutana: Nagtuo ka ba nga ang Diyos maoy nagmando sa kalibotan? [Patubaga.] Basin matingala ka kon unsay tubag sa Bibliya. Ipakita niini nga video ang tubag. [Ipasalida ang video.]
Pagtanyag: Ang kapitulo 11 niini nga libro naghisgot kon nganong gitugotan sa Diyos ang pag-antos ug kon unsay iyang buhaton bahin niana. [Itanyag ang librong Gitudlo sa Bibliya.]
PAGHIMOG IMONG PRESENTASYON
Gamita ang format sa sampol nga mga presentasyon sa paghimog imong presentasyon sa pagsangyaw.
Basin Ganahan Pod Ka
PAGMATA!
Sakit—Kon Unsay Himoon Aron Kini Malikayan
Ang pagtungha ug ang pagbalik sa makatakod nga mga sakit makapameligro sa imong panglawas. Unsay imong labing maayong pangdepensa?
BAHIN KANAMO
Nganong Tun-an ang Bibliya?
Ang Bibliya nagtabang sa minilyong tawo sa tibuok kalibotan nga masayran ang tubag sa importanteng mga pangutana bahin sa kinabuhi. Gusto ba sab nimong masayran kini?
