Sa kapanahonan sa Bibliya, dihay mga higayon nga gitabangan sa sekular nga mga awtoridad ang katawhan ni Jehova. (Esd 6:1-12; Est 8:10-13) Bisan niining modernong panahon, atong nakita nga “ang yuta”​—impluwensiyadong mga tawo o institusyon nga mas makataronganon—​milamoy sa “suba” sa paglutos nga gipahinabo sa “dragon,” si Satanas nga Yawa. (Pin 12:16) Usahay palihokon ni Jehova, ang “Diyos nga nagaluwas,” ang tawhanong mga magmamando aron tabangan ang iyang katawhan.​—Sal 68:20; Pr 21:1.

Pero komosta kon napriso ka tungod sa imong pagtuo? Salig kanunay nga si Jehova nagabantay kanimo. (Gen 39:21-23; Sal 105:17-20) Makaseguro ka nga ang imong pagtuo gantihan ni Jehova ug ang imong integridad nakadasig sa mga igsoon sa tibuok kalibotan.​—Flp 1:12-14; Pin 2:10.

TAN-AWA ANG VIDEO NGA MGA BRADER SA KOREA NAKAGAWAS NA SA PRISOHAN, UG TUBAGA ANG MOSUNOD NGA MGA PANGUTANA:

• Sulod sa daghang katuigan, nganong libolibo ka brader sa South Korea ang napriso?

• Unsang mga desisyon sa korte ang miresulta sa sayong pagpagawas sa pipila sa atong mga igsoon?

• Sa unsang paagi ta makatabang sa atong mga igsoon sa tibuok kalibotan nga napriso pa gihapon tungod sa ilang pagtuo?

• Unsaon nato paggamit ang atong kagawasan karon?

• Kinsa gyod ang nagpahinabo sa atong mga kadaogan sa korte?