Ang pagpalagpot manalipod sa kongregasyon ug magdisiplina niadtong nakasala nga dili mahinulsolon. (1Co 5:6, 11) Kon atong suportahan ang disiplina gikan kang Jehova, kita nagpakitag gugma. Sa unsang paagi pagpakita kinig gugma nga ang pagpalagpot makapaguol man niadtong nalangkit, apil na sa pamilya ug sa hudisyal nga komite?

Una sa tanan, pagpakita kinig gugma sa reputasyon ni Jehova ug sa iyang sukdanan sa pagkabalaan. (1Pe 1:14-16) Pagpakita sab nig gugma sa tawo nga napalagpot. Ang bug-at nga disiplina, bisag sakit, moresultag “kalinaw ug pagkamatarong.” (Heb 12:5, 6, 11) Kon makig-uban ta niadtong napalagpot o midis-asosyet sa kongregasyon, atong gibabagan ang disiplina ni Jehova. Hinumdomi nga disiplinahon ni Jehova ang iyang katawhan “sa hustong paagi.” (Jer 30:11) Samtang suportahan nato ang disiplina ni Jehova ug magpadayon sa atong espirituwal nga rutina, padayon tang molaom nga ang maong tawo mobalik sa atong maluluy-ong Amahan.​—Isa 1:16-18; 55:7.

TAN-AWA ANG VIDEO NGA MAGPABILING MAUNONGON UBAN ANG BUG-OS NGA KASINGKASING, DAYON TUBAGA ANG MOSUNOD NGA MGA PANGUTANA:

• Unsay bation sa Kristohanong ginikanan dihang ang ilang anak mobiya kang Jehova?

• Sa unsang paagi ang kongregasyon makasuportar sa matinumanong mga membro sa pamilya?

• Unsang asoy sa Bibliya ang nagpakita nga kinahanglang mas labaw ang atong pagkamaunongon kang Jehova kay sa atong pamilya?

• Unsaon nato pagpakita nga mas labaw ang atong pagkamaunongon kang Jehova kay sa atong pamilya?