Gusto natong bisbisan ang binhi sa kamatuoran nga atong gipugas. (1Co 3:6) Kon interesado ang atong maestorya, mas maayo nga magbilin tag pangutana nga tubagon inigbalik. Makatabang ni nga magpaabot siya nato ug dili ta malisdan sa pagpangandam sa pagbalikduaw. Pagbalik nato, puwede tang moingon nga miduaw ta pag-usab aron tubagon ang atong gipangutana sa miagi.

• Dihang mangandam ug presentasyon, pag-andam pod ug pangutana nga tubagon inigbalikduaw. Tingali ang tubag niana makita diha sa literatura nga atong itanyag, o matubag sa pang-Bible study nga publikasyon nga atong giplanohang itanyag inigbalik.

• Sa dili pa mobiya, sultihi ang interesado nga gusto nimo siyang maestorya pag-usab, dayon ipangutana ang imong giandam nga pangutana. Kon mahimo, pangayoa ang iyang adres o numero sa telepono.

• Kon misaad kag adlaw ug oras nga mobalik, tumana kana.—Mat 5:37.