Hinungdanong mosalig kita kang Jehova sa maayo ug dili maayong panahon. (Sal 25:1, 2) Sa ikawalong siglo B.C.E., ang mga Hudiyo sa Juda nag-atubang ug kapeligrohan nga nagsulay sa ilang pagsalig sa Diyos. Ang nahitabo makahatag kanatog daghang leksiyon. (Rom 15:4) Human matan-aw ang video nga “Oh Jehova, . . . Ako Nagasalig Kanimo,” unsay imong tubag niini nga mga pangutana?

1. Unsang kapeligrohan ang giatubang ni Ezequias?

2. Sa unsang paagi gipadapat ni Ezequias ang prinsipyo sa Proverbio 22:3 dihang iyang napanan-aw nga posibleng atakehon ang Juda?

3. Nganong si Ezequias wala mosurender sa Asirya o makig-alyansa sa Ehipto?

4. Sa unsang paagi maayong sulondan si Ezequias sa mga Kristohanon?

5. Unsang mga situwasyon karon ang makasulay sa atong pagsalig kang Jehova?