Sa iyang Wali sa Bukid, si Jesus miingon: “Hunong na sa pagkabalaka bahin sa inyong mga kalag.” (Mat 6:25) Normal lang sa dili perpektong mga tawo nga nagkinabuhi sa kalibotan ni Satanas nga mabalaka usahay, pero si Jesus nagtudlo sa iyang mga sumusunod nga likayan ang sobrang kabalaka. (Sal 13:2) Ngano? Kay ang sobrang kabalaka, bisan sa atong adlaw-adlawng panginahanglan, makabalda nato sa pagpangita pag-una sa Gingharian. (Mat 6:33) Ang uban pang gisulti ni Jesus makatabang nato nga dili sobrang mabalaka.

• Mat 6:26​—Unsay atong makat-onan sa mga langgam? (w16.07 9-10 ¶11-13)

• Mat 6:27​—Nganong masayang lang ang atong panahon ug kusog kon sobra tang mabalaka? (w05 11/1 22 ¶5)

• Mat 6:28-30​—Unsay atong makat-onan sa mga lirio sa kapatagan? (w16.07 10-11 ¶15-16)

• Mat 6:31, 32​—Sa unsang paagi ang mga Kristohanon lahi sa mga tawo sa mga nasod? (w16.07 11 ¶17)

Unsay dili na nako gustong kabalak-an?