Unsay imong ginasagubang kada adlaw? Ikaw ba ulo sa pamilya nga daghag responsibilidad? Ikaw ba solo nga ginikanan nga naningkamot sa pagsuporta sa imong pamilya? Ikaw ba estudyante nga gina-bully sa eskuwelahan? Nag-antos ba ka sa sakit o katigulangon? Kitang tanan dunay mga problema. Gani, daghang Kristohanon nga nagdungandungan ang mga pagsulay. Pero nahibalo ta nga sa dili madugay mahigawas na ta gikan sa mga pagsulay.​—2Co 4:16-18.

Pero samtang naghulat ta niana, mahupay ta sa pagkahibalo nga nakasabot si Jehova sa atong mga kalisdanan, gipabilhan niya ang atong pagkamaunongon ug paglahutay, ug nag-andam siyag daghang panalangin para nato sa umaabot. (Jer 29:11, 12) Gimahal sab ta ni Jesus. Samtang himoon nato ang atong Kristohanong mga responsibilidad, gipasaligan ta niya: “Ako magauban kaninyo.” (Mat 28:20) Dihang mamalandong ta sa atong kagawasan sa umaabot ubos sa Gingharian sa Diyos, mas molig-on ang atong paglaom ug determinasyon nga molahutay sa mga pagsulay.​—Rom 8:19-21.

TAN-AWA ANG VIDEO NGA IPOKUS ANG IMONG PAGTAGAD KANG JESUS SAMTANG NAGSINGABOT ANG BAGYO!​—MGA PANALANGIN SA GINGHARIAN SA UMAABOT, DAYON TUBAGA ANG MOSUNOD NGA MGA PANGUTANA:

• Sa unsang paagi ang katawhan nahimulag sa Diyos, ug unsay resulta?

• Unsang kaugmaon ang nagpaabot niadtong magmatinumanon kang Jehova?

• Sa unsang paagi naposible ang maong kaugmaon?

• Unsang mga panalangin sa bag-ong kalibotan ang imong gikahinaman?