Nagpuyo ta sa kalibotan diin ang maayo gihimong daotan ug ang daotan gihimong maayo. (Isa 5:20) Makapasubo nga dunay mga tawo nga naghimo sa mga butang nga gidumtan ni Jehova, apil ang dili hustong panggawi sa mga homoseksuwal. Ang mga eskolmet o ubang tawo lagmit magtental sa atong mga kabataan sa pagsundog kanila. Unsaon nimo pag-andam ang imong mga anak aron maatubang nila kini nga malamposon ug ang ubang pagsulay nga sama niini?

Tudloi ang imong mga anak sa mga sukdanan ni Jehova. (Lev 18:3) Anam-anam silang tudloi sa giingon sa Bibliya bahin sa sekso, depende sa ilang edad ug pagsabot. (Deu 6:7) Pangutan-a ang kaugalingon: ‘Gitudloan ba nako ang akong mga anak bahin sa hustong pagpadayag sa pagmahal, kaimportante sa pagsul-ob ug makasaranganong sinina, ug nga kinahanglang tahoron sa uban ang ilang pribasiya? Kabalo ba ang akong mga anak sa ilang himoon kon hagaron sila sa pagtan-awg pornograpiya o pahimoon sa mga buhat nga giisip ni Jehova nga sayop?’ Ang abanteng pagtudlo makatabang nila sa paglikay sa kapeligrohan. (Pr 27:12; Ecc 7:12) Kon tudloan nimo ang imong mga anak, imong gipakita nga gipabilhan nimo ang bililhong panulondon nga gikan kang Jehova.​—Sal 127:3.

TAN-AWA ANG VIDEO NGA PAGTUKOD UG BALAY NGA MAKALAHUTAY​—PANALIPDI ANG IMONG ANAK BATOK SA “DAOTAN,” DAYON TUBAGA ANG MOSUNOD NGA MGA PANGUTANA:

• Nganong ang uban magduhaduha sa pagtudlo sa ilang mga anak bahin sa sekso?

• Nganong angayng bansayon sa mga ginikanan ang ilang mga anak “sa disiplina ug tambag ni Jehova”?​—Efe 6:4

• Unsay gitagana sa organisasyon ni Jehova aron matabangan ang mga ginikanan sa pagtudlo sa ilang mga anak bahin sa sekso?​—w19.05 12, kahon

• Nganong angay kang regular nga makig-estorya sa imong mga anak sa dili pa motungha ang mga problema?