Kon batan-on ka nga dili bawtismadong magmamantala o Bible study, tumong ba nimo nga magpabawtismo? Nganong importante ang bawtismo? Ang pagpahinungod ug pagpabawtismo moresultag espesyal nga relasyon uban kang Jehova. (Sal 91:1) Kini motultol sab sa kaluwasan. (1Pe 3:21) Unsay imong himoon aron mokuwalipikar?

Kinahanglang kombinsido ka nga kini ang kamatuoran. Kon naa kay dili masabtan, pag-research. (Rom 12:2) Sayra kon unsay angay nimong bag-ohon, ug himoa kana kay gusto nimong mapalipay si Jehova. (Pr 27:11; Efe 4:23, 24) Pag-ampo kanunay alang sa tabang. Makasalig ka nga palig-onon ug suportahan ka ni Jehova pinaagi sa iyang balaang espiritu. (1Pe 5:10, 11) Dili gyod ka magmahay sa imong mga paningkamot. Ang pag-alagad kang Jehova mao ang pinakamaayong paagi sa pagkinabuhi!​—Sal 16:11.

TAN-AWA ANG VIDEO NGA KON UNSAY HIMOON ARON MOKUWALIPIKAR SA BAWTISMO, DAYON TUBAGA ANG MOSUNOD NGA MGA PANGUTANA:

• Unsang mga babag ang gibuntog sa uban aron mabawtismohan?

• Unsaon nimo pag-ugmad ang pagtuo nga gikinahanglan aron makapahinungod kang Jehova?

• Unsay nakadasig sa uban nga maningkamot aron mokuwalipikar sa bawtismo?

• Unsang mga panalangin ang madawat niadtong nag-alagad kang Jehova?

• Unsay kahulogan sa pagpahinungod ug pagpabawtismo?