Sama nga giorganisar ni Jehova ang mga Israelinhon, giorganisar sab niya ang iyang katawhan karon aron buhaton ang iyang kabubut-on. Ang mga sangang buhatan, sirkito, kongregasyon, ug mga grupo sa pagsangyaw giorganisar aron mouswag ang buluhatong pagsangyaw. Sangyawan nato ang tanan, apil kadtong lahig pinulongan.​—Pin 14:6, 7.

Nakahunahuna ba ka nga magtuon ug laing pinulongan aron tabangan ang uban nga makakat-on sa kamatuoran? Bisan pag wala kay igong panahon sa pagtuon ug laing pinulongan, puwede nimong gamiton ang JW Language app aron makakat-on ug simpleng presentasyon. Kon imo ning sulayan sa ministeryo, imong masinatian ang kalipay nga gibati sa unang siglong mga Kristohanon. Nalipay sila dihang ang mga tawo sa ubang nasod nahingangha sa pagkadungog sa “halangdong mga butang sa Diyos” sa ilang kaugalingong pinulongan.​—Buh 2:7-11.

TAN-AWA ANG VIDEO NGA MAHIMONG HIGALA NI JEHOVA​—PAGSANGYAW SA LAHI UG PINULONGAN, DAYON TUBAGA ANG MOSUNOD NGA MGA PANGUTANA:

• Kanus-a nimo puwedeng gamiton ang JW Language app?

• Unsa ang pipila ka feature niini?

• Unsa ang mga pinulongan sa inyong teritoryo?

• Unsay imong himoon kon ang nagpakitag interes sa mensahe sa Gingharian lahig pinulongan?​—od 100-101 ¶39-41