Ang mga tigom sa kongregasyon maoy importanteng bahin sa putling pagsimba. (Sal 22:22) Ang tanan nga nagtigom aron simbahon si Jehova mibatig kalipay ug gipanalanginan. (Sal 65:4) Sagad, mas paspas ang pag-uswag sa mga Bible study kon regular silang motambong sa mga tigom.

Unsaon nimo pagtabang sa imong mga Bible study sa pagtambong sa mga tigom? Padayon silang imbitaha. Ipakita ang video nga Unsay Ginahimo Diha sa Kingdom Hall? Isulti ang mga benepisyo sa pagtambong sa mga tigom. (lff leksiyon 10) Puwede kang magpaambit ug usa ka punto nga imong nakat-onan sa tigom o kaha sultihi sila kon unsay hisgotan sa sunod nga tigom. Hatagi silag mga publikasyon nga gamiton sa tigom. Pagtanyag sab ug praktikal nga tabang. Basin kinahanglan silag masakyan. Dili gyod masayang ang imong mga paningkamot kon motambong na sa tigom ang imong Bible study.—1Co 14:24, 25.

TAN-AWA ANG VIDEO NGA TABANGI ANG IMONG BIBLE STUDY SA PAGTAMBONG SA MGA TIGOM, DAYON TUBAGA ANG MOSUNOD NGA MGA PANGUTANA:

• Unsang kahigayonan ang gigamit ni Neeta aron motambong si Jade sa tigom sa kongregasyon?

• Nganong malipay ta dihang motambong sa tigom ang atong Bible study?

• Unsay nasinatian ni Jade sa iyang unang pagtambong sa tigom?