Kada tuig, ang katawhan ni Jehova eksayted sa pagselebrar sa Memoryal. Sa mga semana sa dili pa ang Memoryal ug human niana, pahimuslan nato ang espesyal nga mga kahigayonan nga dayegon ug pasalamatan si Jehova sa iyang gasa nga lukat. (Efe 1:3, 7) Pananglitan, maningkamot gyod ta nga imbitahon ang uban sa Memoryal. Naay mga igsoon nga nag-adjust sa ilang eskedyul aron makaoksilyare payunir, nga mokab-ot ug 30 o 50 ka oras sa bulan sa Marso o Abril. Gusto ba kang mogahin ug dugang panahon sa ministeryo para sa Memoryal? Unsay makatabang nimo?

Sagad, mas daghan tag malampos kon abante tang magplano. (Pr 21:5) Kay hapit na ang Memoryal, karon na ang panahon nga magplano. Hunahunaa kon unsaon nimo pagpauswag ang imong ministeryo panahon sa Memoryal ug kon unsay kinahanglan nimong himoon aron makab-ot ang imong mga tumong. Dayon pag-ampo kang Jehova nga panalanginan niya ang imong mga paningkamot.​—1Ju 5:14, 15.

Sa unsang mga paagi mapauswag pa nimo ang imong ministeryo panahon sa Memoryal?