Pebrero 26–Marso 3
SALMO 11-15
Awit 139 ug Pag-ampo | Introduksiyon (1 min.)
1. Imadyina nga naa Ka sa Malinawon ug Bag-ong Kalibotan sa Diyos
(10 min.)
Kon ang mga tawo walay pagtahod sa balaod, moresulta nig kapintasan (Sal 11:2, 3; w06 5/15 18 ¶3)
Makasalig ta nga sa dili madugay, wagtangon ni Jehova ang kapintasan (Sal 11:5; wp16.4 11)
Ang pagpamalandong sa gisaad ni Jehova nga kaluwasan makatabang nato nga mapailobong maghulat sa bag-ong kalibotan (Sal 13:5, 6; w17.08 7 ¶15)
SULAYI KINI: Basaha ang Ezequiel 34:25, ug imadyina ang imong kaugalingon nga naa ka sa malinawong lugar.—kr 236 ¶16.
2. Espirituwal nga mga Bahandi:
(10 min.)
-
Sal 14:1—Sa unsang paagi posibleng masundog sa mga Kristohanon ang tinamdan nga gihisgotan sa teksto? (w13 9/15 19 ¶12)
-
Unsang espirituwal nga mga bahandi ang imong nakat-onan sa pagbasa sa Bibliya niining semanaha?
3. Pagbasa sa Bibliya
(4 min.) Sal 13:1–14:7 (th tun-anan 2)
4. Dihang Magsugod ug Panag-estorya
(2 min.) IMPORMAL NGA PAGSANGYAW. Imbitaha ang imong kaestorya sa pagtambong sa Memoryal. (lmd leksiyon 5 punto 3)
5. Dihang Magsugod ug Panag-estorya
(1 min.) PAGPAMALAYBALAY. Imbitaha ang tagbalay sa pagtambong sa Memoryal. (lmd leksiyon 3 punto 4)
6. Dihang Magsugod ug Panag-estorya
(3 min.) PAGPAMALAYBALAY. Ang tagbalay nagpakitag interes sa imbitasyon sa Memoryal. (lmd leksiyon 7 punto 4)
7. Dihang Maghimog Tinun-an
(5 min.) lff leksiyon 13 sumaryo, review, ug sulayi kini. Gamita ang usa ka artikulo sa “Susiha” nga seksiyon aron tabangan ang imong estudyante nga masabtan ang pagbati sa Diyos bahin sa bakak nga relihiyon. (th tun-anan 12)
Awit 8
8. “Ang Kaalam mas Maayo pa kay sa mga Hinagiban sa Gubat”
(10 min.) Pakighisgot.
Nagkagrabe ang kapintasan sa tibuok kalibotan. Nahibalo si Jehova nga ang kapintasan nga atong nakita ug naeksperyensiyahan makapabalaka pag-ayo nato. Nasabtan pod niya nga nanginahanglan tag panalipod. Ang usa ka paagi nga iya tang gipanalipdan maoy pinaagi sa iyang Pulong, ang Bibliya.—Sal 12:5-7.
Naa sa Bibliya ang kaalam nga “mas maayo pa kay sa mga hinagiban sa gubat.” (Ecc 9:18) Konsideraha ang mosunod nga mga prinsipyo sa Bibliya nga makatabang nato nga dili mabiktima sa kapintasan.
-
Ecc 4:9, 10—Ayaw pag-inusara sa dili safe nga mga lugar ug situwasyon
-
Pr 22:3—Pabiling alerto sa imong palibot dihang naa ka sa publikong lugar
-
Pr 26:17—Ayaw pag-apil-apil sa mga away nga wala kay labot
-
Pr 17:14—Kon morag naay mahitabong kapintasan, biya na dayon sa maong lugar. Ug palayo sa mga tawo nga nagtapok aron magprotesta
-
Luc 12:15—Ayawg ipameligro ang imong kinabuhi aron lang panalipdan ang imong kabtangan
I-play ang VIDEO nga Sundoga ang Dunay Pagtuo, Dili ang Walay Pagtuo—Enoc, Dili si Lamek. Dayon pangutan-a ang mamiminaw:
Sa unsang paagi ang ehemplo ni Enoc nakaapektar sa mga desisyon ug panggawi sa amahan dihang grabe ang kapintasan sa ilang lugar?—Heb 11:5.
Sa ubang kahimtang, ang usa ka Kristohanon mobati tingali nga kinahanglan niyang depensahan ang iyang kaugalingon o iyang propidad. Kon mao, himoon niya ang tanan aron dili siya makapatay ug dili mahimong sad-an sa dugo.—Sal 51:14; tan-awa ang “Mga Pangutana Gikan sa mga Magbabasa” sa Hulyo 2017 nga isyu sa Ang Bantayanang Torre.
9. Kampanya sa Memoryal Magsugod sa Sabado, Marso 2
(5 min.) Pakigpulong sa ansiyano. Hisgoti ang kahikayan sa kongregasyon para sa kampanya, espesyal nga pakigpulong, ug Memoryal. Pahinumdomi ang mga magmamantala nga puwede silang mag-oksilyare payunir nga 15 oras ang kab-oton sa bulan sa Marso ug Abril.
10. Pagtuon sa Kongregasyon sa Bibliya
(30 min.) bt kap. 6 ¶9-17
