Dali ra kaayo tang mapuliki sa daghang butang. Ang pagpalit, pagbayad, paggamit, pagmentinar, ug pag-amping sa mga gamit nagkinahanglag panahon ug kusog. Si Jesus nagkinabuhing simple aron ang iyang pagministeryo dili mabalda sa materyal nga mga butang.—Mat 8:20.

Unsaon nimo pagpasimple ang imong kinabuhi aron mas daghan kag mahimo sa ministeryo? Makahimo bag kausaban ang inyong pamilya aron dunay usa ninyo nga makapayunir? Bisag naa na ka sa bug-os panahong pag-alagad, anam-anam na ba kang nabalda sa materyal nga mga butang? Makapalipay ug makapatagbaw ang simpleng kinabuhi diha sa pag-alagad kang Jehova.—1Ti 6:7-9.

Isulat ang mga paagi aron mapasimple nimo ang imong kinabuhi.