9:62

Aron tul-id ang agi sa pagdaro, kinahanglang dili magpabalda ang nagdaro sa mga butang nga naa sa iyang luyo. Sa samang paagi, ang usa ka Kristohanon dili angayng magpabalda sa mga butang sa kalibotan nga iya nang gibiyaan.​—Flp 3:13.

Kon makasinati tag mga problema, basin maghunahuna ta sa mga butang nga atong nabatonan kaniadto dihang wala pa nato makat-oni ang kamatuoran. Tungod niana, basin maghunahuna ta nga mas malipayon ta sa una ug wala kaayoy mga problema. Kanay nahitabo sa mga Israelinhon human sila makagawas sa Ehipto. (Num 11:5, 6) Kon pirme tang maghunahuna niana, basin ganahan tang mobalik sa atong kanhing paagi sa pagkinabuhi. Mas maayong hunahunaon nato ang atong mga panalangin karon ug magpokus sa malipayong umaabot ubos sa pagmando sa Gingharian!​—2Co 4:16-18.