Giandam pag-ayo ang mga sampol nga pagpakig-estorya, ug nakita sa daghang magmamantala nga epektibo ni sa ilang teritoryo. Pero kay lainlain man ug kahimtang ang matag lugar, ang mga magmamantala puwedeng mogamit diha sa ilang ministeryo ug laing paagi sa pagsugod sa panag-estorya o mohisgot ug laing topiko nga makapainteres sa mga tawo sa ilang teritoryo. Siyempre, kinahanglang sundon sa tanan ang mga instruksiyon para sa espesyal nga kampanya. Tumong nato nga tumanon ang sugo ni Jesus nga isangyaw ang maayong balita sa Gingharian.​—Mat 24:14.

Dihang maghatag ug bahin, kinahanglang hisgotan sa magmamantala ang topiko sa sampol nga pagpakig-estorya sa Kinabuhi ug Ministeryo Workbook sa Tigom. Pero makagamit silag laing pangutana, teksto, punto nga hisgotan sa sunod, o setting nga epektibo sa ilang teritoryo, gawas lang kon dunay instruksiyon nga sundon gyod ang sampol nga pagpakig-estorya. Kini maoy kausaban sa direksiyon nga makita sa panid 8 sa Hunyo 2020 nga workbook sa tigom.