Magamit natog maayo ang atong kusog kon naa tay mga tumong sa pag-alagad kang Jehova. (1Co 9:26) Ang mga tumong makatabang nga magamit natog maayo ang atong panahon sa dili pa moabot ang kataposan. (Efe 5:15, 16) Sa inyong pamilyahanong pagsimba, puwede mong maghimog mga tumong para sa umaabot nga tuig sa pag-alagad. Aron matabangan mo, kini nga workbook naay mga artikulo nga naghatag ug pipila ka tumong nga puwede ninyong konsiderahon ug iampo.​—San 1:5.

Pananglitan, puwede bang magtinabangay ang tanan sa inyong pamilya aron naay bisag usa ninyo nga makaregular payunir? Kon dili ka segurado kon makab-ot ba nimo ang gikinahanglang oras, pakig-estorya sa mga payunir nga parehas nimog kahimtang. (Pr 15:22) Puwede pod nimong interbiyohon ang usa ka payunir sa inyong pamilyahanong pagsimba. Dayon pagsulat ug posibleng mga eskedyul. Kon nakapayunir ka kaniadto, konsideraha kon makapayunir ka pag-usab karon.

Naa bay pipila sa inyong pamilya nga makaoksilyare payunir ug usa ka bulan o kapin pa? Kon medyo luya ang imong panglawas, basin makaoksilyare payunir gihapon ka pinaagi sa paggahin ug gamayng oras kada adlaw sa ministeryo. Kon dili kaayo ka makasangyaw sa weekdays kay full-time kang nagtrabaho o nag-eskuwela, puwede kang mopilig bulan nga naay holiday o lima ka weekend. Sa kalendaryo, isulat kon kanus-a mo mag-oksilyare payunir ug paghimog eskedyul.​—Pr 21:5.

TAN-AWA ANG VIDEO NGA MAGMAISOGON NGA . . . PAYUNIR, DAYON TUBAGA ANG MOSUNOD NGA PANGUTANA:

• Unsay atong makat-onan sa eksperyensiya ni Sister Aamand bahin sa gugma ug pag-atiman ni Jehova niadtong mga nagsakripisyo aron makapayunir?