Gusto ni Jehova nga magmalipayon ang mga pamilya. (Sal 127:3-5; Ecc 9:9; 11:9) Pero ang atong kalipay mahimong mawala tungod sa mga stress sa kinabuhi ug sa kasaypanan sa mga membro sa pamilya. Unsay puwedeng himoon sa matag membro aron makatabang sa pagpalambo sa kalipay sa pamilya?

Ang bana magpasidungog sa iyang asawa. (1Pe 3:7) Maggahin siyag panahon uban kaniya. Dili siya magdahom ug sobra gikan sa iyang asawa ug ipakita niya ang iyang apresasyon sa ginahimo sa iyang asawa para niya ug sa pamilya. (Col 3:15) Iyang dayegon ang iyang asawa ug ipakita sa pulong ug buhat nga gimahal niya siya.—Pr 31:28, 31.

Ang asawa mangitag mga paagi nga makatabang siya sa iyang bana. (Pr 31:12) Siya magpasakop sa iyang bana ug mokooperar kaniya. (Col 3:18) Buotan siyang makig-estorya sa iyang bana ug mosultig maayong mga butang bahin kaniya.—Pr 31:26.

Ang mga ginikanan maggahin ug panahon uban sa ilang mga anak. (Deu 6:6, 7) Ingnon nila ang ilang mga anak nga ila silang gimahal. (Mat 3:17) Dihang ila silang disiplinahon, ipakita nila ang gugma ug pagsabot.—Efe 6:4.

Ang mga anak magpasidungog ug magmasinugtanon sa ilang ginikanan. (Pr 23:22) Isulti nila sa ilang ginikanan ang ilang gihunahuna ug gibati. Dawaton nila ang disiplina sa ilang ginikanan ug tahoron nila sila.—Pr 19:20.

TAN-AWA ANG VIDEO NGA PALAMBOA ANG KALIPAY DIHA SA IMONG PAMILYA, UG DAYON TUBAGA ANG MOSUNOD NGA PANGUTANA:

Unsay gihimo sa matag membro aron makatabang sa pagpalambo sa kalipay sa ilang pamilya?