KRISTOHANONG PAGKINABUHI
Pagpauswag sa Atong Kahanas sa Ministeryo—Paggamit ug Video sa Pagtudlo
KON NGANONG HINUNGDANON:
Makapatandog sa kasingkasing ang mga video kay makita ni ug madungog. Makatabang sab ni nga mapokus ang atensiyon sa tagbalay ug mahinumdoman ang impormasyon. Si Jehova ang pinakamaayong panig-ingnan sa paggamit ug makitang tabang o visual aid dihang magtudlo.—Buh 10:9-16; Pin 1:1.
Ang mga video nga Duna bay Ngalan ang Diyos?, Kinsa ang Awtor sa Bibliya?, ug Nganong Makaseguro Kita nga ang Bibliya Pulong Gayod sa Diyos? magamit para sa leksiyon 2 ug 3 sa brosyur nga Maayong Balita. Ang mga video nga Nganong Tun-an ang Bibliya?, Sa Unsang Paagi Ginahimo ang Bible Study?, ug Unsay Ginahimo Diha sa Kingdom Hall? makadasig sa tagbalay nga magtuon sa Bibliya o motambong sa tigom. Puwede pod gamiton ang tag-as natong video sa pagtudlo sa estudyante sa Bibliya.—km 5/13 3.
KON UNSAON PAGHIMO:
-
I-download daan ang video nga gusto nimong ipatan-aw sa tagbalay
-
Pag-andam ug usa o duha ka pangutana nga ang tubag naa sa video
-
Ipatan-aw ang video
-
Hisgoti ang importanteng mga punto
HIMOA KINI:
-
Ipakita ang likod sa tract, ug itudlo ang code para sa video nga Nganong Tun-an ang Bibliya?
-
Ipatan-aw ang video nga Nganong Makaseguro Kita nga ang Bibliya Pulong Gayod sa Diyos? ug itanyag ang brosyur nga Maayong Balita gamit ang leksiyon 3
