Gusto gyod sa mahinadlokon sa Diyos nga mga ginikanan nga ang ilang mga anak mahimong matinumanong alagad ni Jehova. Matabangan nila ang ilang mga anak pinaagi sa pagtudlo kanila bahin sa Bibliya sukad sa pagkabata. (Deu 6:7; Pr 22:6) Nagkinahanglan ba nig pagsakripisyo? Oo! Pero maayo kaayog resulta.​—3Ju 4.

Daghag makat-onan ang mga ginikanan gikan kang Jose ug Maria. Naandan nila ang “pag-adto tuigtuig sa Jerusalem alang sa pista sa paskuwa,” bisag nagkinahanglan kinig pagsakripisyo ug dakong gasto. (Luc 2:41) Pero, gihatagan nilag prayoridad ang espirituwal nga panginahanglan sa ilang pamilya. Sa susama, ang mga ginikanan karon makagiya sa ilang mga anak sa hustong direksiyon kon ilang pahimuslan ang tanang higayon sa pagtudlo sa ilang mga anak pinaagi sa pulong ug sa buhat.​—Sal 127:3-5.

TAN-AWA ANG VIDEO NGA ILANG GIPAHIMUSLAN ANG MATAG KAHIGAYONAN, UG DAYON TUBAGA ANG MOSUNOD NGA MGA PANGUTANA:

• Bisag pamilyado, giunsa pag-una ni Jon ug Sharon Schiller ang intereses sa Gingharian?

• Nganong angayng ipahaom sa mga ginikanan ang ilang pagdisiplina base sa panginahanglan sa ilang matag usa ka anak?

• Sa unsang paagi maandam sa mga ginikanan ang ilang anak sa pag-atubang ug mga pagsulay sa pagtuo?

• Unsa nga mga tagana sa organisasyon ni Jehova ang imong gigamit sa pagtudlo sa imong anak aron mouswag sa espirituwal?