MAGMAEPEKTIBO SA MINISTERYO
Pagpauswag sa Atong Kahanas sa Ministeryo—Paghimog Imong Presentasyon sa Magasin
KON NGANONG HINUNGDANON: Tinuod, makatabang ang mga presentasyon diha sa workbook, pero sampol ra ni. Kinahanglang isulti nimo kini sa imong kaugalingong pulong. Tingali naa kay laing introduksiyon o laing topiko nga makapainteres sa inyong teritoryo. Kon mao, human nimo mabasa ang magasin, matun-an ang sampol nga presentasyon, ug makita ang video sa sampol nga presentasyon, puwede nimong gamiton ang mosunod nga mga sugyot sa paghimog kaugalingong presentasyon.
KON UNSAON PAGHIMO:
Pangutan-a ang kaugalingon, ‘Gusto ba nakong gamiton ang usa sa mga sampol nga presentasyon?’
OO
-
Hunahunaa kon unsay una nimong isulti. Human matimbaya ang tagbalay, direktang isulti imong tuyo. (Pananglitan: “Mibisita mi kay . . .”)
-
Hunahunaa kon unsaon pagtabok gikan sa pangutana, dayon sa teksto, ug sa pagtanyag. (Pananglitan: Sa dili pa mobasag teksto, makaingon ka, “Naay teksto nga motubag anang pangutanaha.”)
DILI
-
Pagpilig topiko diha sa magasin nga makapainteres nimo ug sa inyong teritoryo
-
Pagpilig pangutana nga makadasig sa tagbalay sa paghunahuna ug pagpakig-estorya. Pero pag-amping nga dili siya maulawan. (Pananglitan: Mga pangutana diha sa panid 2 sa magasin.)
-
Pagpilig tekstong basahon. (Kon Pagmata! ang itanyag, puwedeng mobasag teksto, puwedeng dili, kay kini nga magasin para niadtong wala kaayoy nahibaloan sa Bibliya ug walay salig sa relihiyon.)
-
Paghunahunag mubong isulti sa tagbalay aron iyang makita ang benepisyo sa pagbasa sa artikulo
BISAG HAIN NIANA
-
Pag-andam ug pangutana nga tubagon sa pagbalikduaw
-
Isulat ang gusto nimong isulti para dili nimo malimtan
