Mas daghang kalamidad ang nagakahitabo karon kay sa miagi. Dihang naay kalamidad, kinahanglang organisado kaayo ang paghatag ug hinabang. Tungod ana, ang Nagamandong Lawas nagpormag Disaster Relief Department sa matag sangang buhatan.

Dihang mahibaloan sa mga igsoon sa maong department nga naay kalamidad, kontakon dayon nila ang lokal nga mga ansiyano aron mahibalo kon unsang tabang ang gikinahanglan sa mga igsoon. Kon grabeng kadaot ang gipahinabo sa kalamidad ug dili ni kayang atimanon sa lokal nga mga igsoon, ang sangang buhatan mag-asayn ug kuwalipikadong mga brader nga modumala sa paghatag ug hinabang. Ang giasayn nga mga brader makahangyog mga boluntaryo o espesipikong mga butang nga i-donate sa mga igsoon, o kaha paliton nila ang gikinahanglang suplay diha sa lokal nga mga palitanan ug iapod-apod kini.

Daghag kaayohan kon kana ang paagi. Malikayan niini ang pagdoble sa trabaho, kalibog, ug pagkausik sa kuwarta ug materyales, nga posibleng mahitabo kon mag-iyahay ug lihok ang mga igsoon.

Ang mga brader nga giasayn sa sangang buhatan mas nahibalo kon pilay badyet ug pila ka boluntaryo ang gikinahanglan para sa relief work. Puwede pod silang moduol sa lokal nga mga opisyales kinsa makatabang nga mopaspas ang paghatag natog hinabang. Busa ang mga indibiduwal dili angayng mangolektag donasyon, magpadalag hinabang, o moadto sa apektadong lugar gawas kon gihangyo sila sa paghimo niana.

Siyempre gusto gyod natong motabang kon naay kalamidad. (Heb 13:16) Gimahal nato ang mga igsoon! Unsay puwede natong himoon? Ang pinakaimportante, atong iampo ang mga apektado sa kalamidad ug kadtong naghatag ug mga hinabang. Makahatag pod tag donasyon sa worldwide work. Ubos sa direksiyon sa Nagamandong Lawas, nahibalo ang mga sangang buhatan kon asa mas maayong gamiton ang mga donasyon. Ug kon gusto natong personal nga motabang, puwede tang mopil-ap ug Local Design/​Construction Volunteer Application (DC-50).

TAN-AWA ANG VIDEO NGA GRABENG PAGBAHA SA BRAZIL, DAYON TUBAGA ANG MOSUNOD NGA PANGUTANA:

Unsay nakapabilib nimo bahin sa paghatag ug hinabang sa mga Saksi ni Jehova human sa pagbaha sa Brazil niadtong 2020?