Abril 1-7
SALMO 23-25
Awit 4 ug Pag-ampo | Introduksiyon (1 min.)
1. “Si Jehova ang Akong Magbalantay”
(10 min.)
Si Jehova naggiya nato (Sal 23:1-3; w11 5/1 31 ¶3)
Si Jehova nanalipod nato (Sal 23:4; w11 5/1 31 ¶4)
Si Jehova nagpakaon nato (Sal 23:5; w11 5/1 31 ¶5)
Si Jehova nag-atiman sa iyang mga alagad sama sa usa ka mahigugmaong magbalantay nga nag-atiman sa iyang karnero.
PANGUTAN-A ANG KAUGALINGON, ‘Giunsa ko pag-atiman ni Jehova?’
2. Espirituwal nga mga Bahandi
(10 min.)
Sal 23:3—Unsa ang “mga dalan sa pagkamatarong,” ug unsay makatabang aron dili ta motipas niini nga dalan? (w11 2/15 24 ¶1-3)
Unsang espirituwal nga mga bahandi ang imong nakat-onan sa pagbasa sa Bibliya niining semanaha?
3. Pagbasa sa Bibliya
(4 min.) Sal 23:1–24:10 (th tun-anan 5)
4. Dihang Magsugod ug Panag-estorya
(3 min.) IMPORMAL NGA PAGSANGYAW. Pag-share ug makapadasig nga teksto sa usa ka tawo nga miingon nimo nga nabalaka siya bahin sa kinaiyahan. (lmd leksiyon 2 punto 5)
5. Dihang Magbalikduaw
(4 min.) PAGPAMALAYBALAY. Duawa kadtong midawat sa brosyur nga Mabuhi Ka Hangtod sa Hangtod! ug ipakita kon unsaon ni paggamit sa pagtuon sa Bibliya. (lmd leksiyon 9 punto 3)
6. Dihang Maghimog Tinun-an
(5 min.) lff leksiyon 14 punto 4 (lmd leksiyon 11 punto 3)
Awit 54
7. Dili Ta Maminaw sa Tingog sa mga Estranyo
(15 min.) Pakighisgot.
Ang mga karnero makaila sa tingog sa ilang magbalantay ug mosunod kaniya. Sa laing bahin, mopalayo sila sa estranyo kay wala nila mailhi ang tingog niini. (Ju 10:5) Sa samang paagi, maminaw ta sa tingog sa atong mahigugmaon ug kasaligan nga espirituwal nga mga Magbalantay, si Jehova ug Jesus. (Sal 23:1; Ju 10:11) Ug dili ta maminaw sa tingog sa mga estranyo nga naningkamot nga paluyahon ang atong pagtuo pinaagi sa “pagsultig bakak.”—2Pe 2:1, 3.
Ang Genesis kapitulo tres naghisgot sa tingog sa usa ka estranyo nga nadungog dinhi sa yuta sa unang higayon. Si Satanas nakig-estorya kang Eva pinaagig halas, maong wala makaila si Eva kon kinsa gyod ang nakig-estorya niya. Si Satanas nagpakaaron-ingnon nga iyang higala, ug namakak siya bahin sa mga gisulti ug motibo ni Jehova. Makapaguol kay naminaw si Eva, ug mao nay hinungdan nga nag-antos siya ug ang iyang pamilya.
Karon, si Satanas naningkamot nga magduhaduha ta bahin kang Jehova ug sa iyang organisasyon pinaagi sa pagpakaylap ug negatibong mga report, malimbongong mga estorya, ug mga bakak. Dihang makadungog ta sa tingog sa estranyo, kinahanglang mopalayo ta! Ang pagpaminaw, bisag kadali lang tungod kay gusto tang mahibalo, maoy peligroso. Hinumdomi, nalimbongan ni Satanas si Eva bisag gamay lang ang iyang gisulti ug kadiyot ra silang nag-estorya. (Gen 3:1, 4, 5) Unsay atong himoon kon ang atong kaila—nga nagmahal nato ug naay maayong intensiyon—gustong mo-share ug negatibong impormasyon bahin sa organisasyon ni Jehova?
I-play ang VIDEO nga Ayawg Paminaw sa “Tingog sa mga Estranyo.” Dayon pangutan-a ang mamiminaw:
Unsay imong nakat-onan sa gihimo ni Jade dihang ang iyang mama gustong magpakita ug negatibong impormasyon bahin sa mga Saksi?
8. Pagtuon sa Kongregasyon sa Bibliya
(30 min.) bt kap. 8 ¶1-4, mga kahon sa p. 61-62
